Acta legationis cardinalis Gentilis. II. Gentilis bibornok magyarországi követségének okiratai. 1307–1311. (Budapest, 1885. Mon. Vat. Hun. I/2.)

IjOCJ. 8. JAN—}. JUL. 215 quod circa initium quadragessime, dum ipse dominus episcopus iret personaliter ad dictum dominum woyvadam pro certis negotiis, ei commissis per dominum legatum, et loqueretur cum eo, ac diceret sibi, quare non mittebat pecuniam debitam domino legato, dictus dominus woyvada inter alia sibi respondit et dixit, quod pecunia parata erat et intendebat mittere eam cito, et addidit, quod ad petitionem decanorum, prepositorum et plebanorum de partibus Transilvanis, ipse concesserat illis securitatem, quod tute et libere possent pro ipsorum negotiis ad dictum dominum legatum venire, et si esset necesse, ipse intendebat facere ipsos associari et conduci per familiam suam, ut securius pervenirent ad dominum legatum predictum, usque ad fines territorii sui, et aliter nescit, que in ipso articulo continentur. Item interrogatus super alio articulo de publica voce et fama, — dixit, vera esse, que in ipso articulo continentur. Interrogatus, quomodo scit, — dixit, quod communiter audivit dici. Interrogatus, ubi est dicta publica vox et fama, — dixit, quod in Varadino. Interrogatus, a quanto tempore citra, — dixit, quod a tempore supradicte proclamationis. Interrogatus, quid est publica vox et fama, — dixit, quod id, quod est omnibus notum et notorium. Interrogatus, quot homines faciunt publicam famam, — dixit, quod nescit. Interrogatus, quam partém vellet optinere, — dixit, quod quamlibet tantum, quia quelibet pars sunt amici sui. Item interrogatus, si predicta dixit odio, amore vei prece vei instructus, — dixit, quod non. Mauritius plebanus de Crako testis, interrogatus super primo articulo, qui incipit: Intendit probare &c. lecto sibi toto ipso articulo, — dixit, vera esse, que in ipso articulo continentur. Interrogatus in causa scientie, — dixit, quia vidit et audivit et fűit presens, quando dictus dominus woyvada licentiam concessit, que in dicto articulo continetur. Interrogatus, in qua civitate vei castro, — dixit, quod in Deua. Interrogatus, in qua domo, — dixit, quod in propria domo dicti domini woyvade. Interrogatus, quibus presentibus, — dixit, quod Paulus filius Ladislai castellanus castri Deue, comes Andreas filius Johanka, Bas filius Balosé, Johannes de Lomb, Johannes Rufus cognatus Pauli supradicti, et quam plures alii fuerunt presentes. Interrogatus, qui fuerunt illi, quibus dominus woyvada dictam securitatem concessit, — dixit, quod fuerunt duo sacerdotes, asserentes se fore nuncios dictorum decanorum et plebanorum ac universitatis de Cibinio, quos ipse testis vidit presentare litteras dicto domino woyvade pro parte universitatis de Cibinio, sed illorum nomina nescit. Dixit, tantum se vidisse et legi audivisse dictas litteras universitatis de Cibinio, rogantis dictum