Acta legationis cardinalis Gentilis. II. Gentilis bibornok magyarországi követségének okiratai. 1307–1311. (Budapest, 1885. Mon. Vat. Hun. I/2.)

(Productio articulorum pro capitulo.) Die Sabati, VII. mensis Junii, predicte indictionis, comparentibus dictis procuratoribus utriusque partis in iudicio coram dicto domino auditore, idem magister Philippus procurator, substitutus a dicto domino Sancto procuratore dicti capituli Transsilvanensis, exhibuit in iudicio articulos, et excepit infrascriptos. Petens eos admitti et recipi, et testes, quos nominandos duxerit, citari, recipi et examinari diligenter super ipsis. Quos articulos dictus dominus auditor admisit, salvo iure impertinentium et non admittendorum. Committens et mandans Zucche iurato nuncio curie domini legati, quod statim vadat et citet omnes illos, quos dictus magister Philippus sibi duxerit nominandos, quod die Lune proxime futuro compareant personaliter coram eo et peremptorie, ad perhibendum testimonium veritati super articulis ipsis. Statuit quoque terminum domino Bertuldo procuratori partis adverse ad diem Lune predictum, ad faciendum et dandum interrogatorium, si voluerit, et ad videndum iuramenta testium, producendorum per magistrum Philippum predictum ad probandum articulos memoratos, quorum articulorum tenor talis est: (Articuli pro capitulo.) Coram Vobis, venerabili viro domino Philippo de Sardinea canonico Arborensi, decretorum doctore, auditore reverendi patris et domini domini fratris G.

1 tituli sancti Martini in Montibus presbyteri cardinalis, apostolice sedis legati, et in hac causa specialiter deputato, Philippus de Cingulo procurator substitutus a domino Sanctio procuratore capituli Transsilvanensis, procuratorio nomine ipsius capituli, ad reprobationem littere comitum et universitatis Cibiniensis, producte in iudicio per dominum Bertuldum procuratorem decanorum et plebanorum de capitulis Transsilvanensis diocesis, cum quibus est in causa, per quam dicit dominum woyvadam licentiam denegasse eisdem decanis et plebanis ac ipsorum procuratoribus, quod tute possent per terrenum et potentiam ipsius domini woyvade transire ad dominum legatum et eius curiam, excipiendo dicit contra dictam litteram, et producentem eandem, quod dicta littera veritatem non continet, sed falsum, et ad hoc Intendit probare et fidem facere Philippus procurator predictus, procuratorio nomine quo supra, quod de mense Novembris proxime preterito post octavam beati Martini,

2 dum supradictus dominus woyvada require1 Gentilis. 2 18. Novembris a. 1308.