Acta legationis cardinalis Gentilis. II. Gentilis bibornok magyarországi követségének okiratai. 1307–1311. (Budapest, 1885. Mon. Vat. Hun. I/2.)

4 I)°7- augusti. II. 1307. 8. Augusti. Pictavii. Clemens papa V. cardinalem Gentilem praelatis regni Hungáriáé commendat. (Arch. Vat. Registr. buli. Clementis V. anni II.) In eodem modo venerabilibus fratribus universis archiepiscopis et episcopis ac dilectis filiis electis, abbatibus, prioribus, decanis, prepositis, archidiaconis, et aliis ecclesiarum prelatis sive rectoribus et eorum vices gerentibus, ac personis ecclesiasticis religiosis et secularibus, ecclesiarum et monasteriorum capitulis et conventibus, exemptis et non exemptis, Cisterciensium, Cluniacensium, Cartusiensium, Premonstratensium, sanctorum Benedicti et Augustini ac aliorum ordinum, nec non magistris et preceptoribus hospitalis sancti Johannis Jerosolimitani, Militie Templi, beate Marié Theotonicorum et Calatravensium, per regnum Ungarie ac partes Polonie, Dalmatie, Croatie, Rame, Servie, Lodomerie, Galatie Cumanieque illi conterminas constitutis &c. Rex excelsus &c, ut in proxima superiori verbis competenter mutat is usque non trahatur. Rogamus itaque Universitatem Vestram, et hortamur attente, per apostolica scripta Vobis íirmiter precipiendo mandantes, quatenus eundem cardinalem, quem pro suarum virtutum insigniis interne complectimur brachio caritatis, immo potius personam nostram in ipso, cum illuc, Deo duce, pervenerit, benigne recipientes et honoriíice pertractantes, sibi, tanquam apostolice sedis legato, pro ipsius sedis et nostra reverentia intendatis humiliter et devote, ipsius statuta, monita et precepta, et que Vobis ex parte nostra mandaverit, efficaciter adimplendo. Alioquin sententias sive penas, quas ipse rite statuerit vei tulerit in rebelles, ratas habebimus, et faciemus, auctore Domino, inviolabiliter observari. Dátum ut supra.