Thallóczy Lajos–Áldásy Antal: Magyarország és Szerbia közti összeköttetések oklevéltára 1198-1526. (Budapest, 1907. Magyarország melléktartományainak oklevéltára. Codex diplomaticus partium regno Hungariae adnexarum 2.)
citiam cum honore. Dicitur nobis in persona egregii Silvestri de Thorna quod Ladislaus de Sarkws et Valentinus vicecastellani egregii Sandrini de Halemba castellani castri Boldokw, necnon Valentinus et Dionisius de Barakon, Stephanus de Alpar et Thomas de Salank familiares eiusdem egregii Sandrini de Helemba, armatis manibus et potentiariis de permissione, voluntate et consensu illustris principis domini Georgii regni Rascie despoti, necnon dicti Sandrini de Helemba et Ladislai filii iamdicti Sandrini ad possessionem dicti Silvestri Ench vocatam in comitatu Abawywariensi existenti irruentes ibique Thomam Mochar dictum, iobagionem eiusdem egregii Silvestri captivantes, captumque et ligatum ad castrum Boldokw asportassent et in carcerem reclusissent, reclusumque tam diu quo ipsorum placuisset voluntati conservassent conservatumque ad mortem iudicantes et condempnantes potentia ipsorum mediante in preiudicium ipsius egregii Silvestri valdemagnum. Item super hoc non contenti hiis novissimis diebus proxime elapsis, quinque iobagiones eiusdem Silvestri, utputa Georgium Thapasto, Petrum Enczy, Mathiam Molnár, Paulum et Martinum Pereczey in predicta possessione Encz commorantes in possessione predicti domini despoti Raad vocata in comitatu predicto Abawywariensi existenti reperientes, vinctosque ipsos ad castrum Boldokw asportassent et nunc de presenti carceratos tenentur et conservarent potentia ipsorum mediante, in preiudicium et dampnum ipsius exponentis valdemagnum. Igitur vestram petimus amicitiam quatenus vestrum mittatis hominem pro testimonio fidedignum quo presente Michael de Chekehaza, Paulus de Keer, Paulus de Keecz, Ladislaus Eme de Siud (vagy Srud ?) Johannes et Petrus de Baktha, Johannes de Bered, Johannes Bartholomeus de Pamlyn, Oswaldus in Thorna commorantes, Ladislaus et Petrus de Mehez, Johannes de Borsy et Nicolaus de Ezdege aliis absentibus homo regius, scita prius premissorum mera veritate omnimodam evocet annotatos dominum Georgium despotum ac Sandrinum de Helemba castellanum de Boldokw, necnon Ladislaum de Sarkuz et Valentinum vicecastellanos, necnon Valentinum et Dyonisium de Barakon,
