Thallóczy Lajos–Áldásy Antal: Magyarország és Szerbia közti összeköttetések oklevéltára 1198-1526. (Budapest, 1907. Magyarország melléktartományainak oklevéltára. Codex diplomaticus partium regno Hungariae adnexarum 2.)
ac inscriptionum exinde factarum tenuerit, possiderit et conservaverit, sicut teneret, possideret et conservaret etiam de presenti, tandem ex nunc certis dominis, prelatis et baronibus regni Hungarie inter partes mediantes facta utrimque omnimoda compositione et sufficienti posita ratione, eidem domino Johanni gubernatori ultra et preter ea omnia, que de proventibus dictorum castri, oppidorum, possessionum, urburarum et aliorum bonorum eorundem serie etiam ab ipsis domino Georgio despoto, domina Erina ac Gregorio, Stephano et Lazaro hactenus quomodolibet recepisset, adhuc in centum milibus et quinquaginta quinque milibus florenis auri boni et iusti ponderis debitorie remansissent obligati. Unde ipsi dominus Georgius despotus, domina Erina ac Gregorius, Stephanus et Lazarus volentes ipsum dominum Johannem gubernatorem ac egregios Ladislaum et Mathiam filios eiusdem de rehibitione prescriptorum centum milium et quadraginta quinque milium florenorum auri certos reddere et securos, prescriptum castrum ipsorum Mvvnkach, ac oppida Rivulidominarum, Zathmar, Nemethy et Debrechen, necnon possessiones Bezermen et Dada appellatas simulcum urburis predictis, necnon villis, prediis et aliis bonis ad eadem et ipsas pertinentibus, item proventibus, collectis, daciis, contributionibus et censibus aliisque eorundem et ipsarum utilitatibus ac pertinentiis quibuslibet quovis nominis vocabulo vocitatis, annotatis domino Johanni gubernatori, Ladislaoque et Mathie filiis suis pro prefatis centum milibus et quinquaginta quinque milibus florenis auri iuxta regni consuetudinem pignori duxissent obliganda sew inscribenda, ymmo obligarunt et inscripserunt coram nobis talimodo, quod antefatus dominus Johannes gubernátor ac filii sui predicti, annotata bona infra tempus redemptionis eorundem titulo huiusmodi pignoris conservando singulis annis de proventibus ipsorum pro quolibet anno sex milia et septingentos florenos auri in sortem summe pretacte centum milium et quinquaginta quinque milium florenorum auri computare atque pro solutis assummere et recipere deberent et tenerentur. Si autem tempore inter medio quousque pretacta summa centum milium et quinquaginta quinque milium
