Thallóczy Lajos–Áldásy Antal: Magyarország és Szerbia közti összeköttetések oklevéltára 1198-1526. (Budapest, 1907. Magyarország melléktartományainak oklevéltára. Codex diplomaticus partium regno Hungariae adnexarum 2.)
nobis sacro dyademate dicti regni Hungarie Christo aminiculante feliciter insignitis, nos valido nostro moto exercitu unacum nostris et dicti regni nostri fidelibus egregio etiam ac spectabili viro condam Wilhelmo fratre scilicet pretaxati comitis Hermanni patruele in et ad huiusmodi nostram validam expeditionem cum vexillo et gentibus suis armigeris et ad nostra obsequia gratanter veniente, versus regnum Rascie castrametati, magnaque potentia Bayzath Turcorum imperatoris prope Kewe ultra Danubium nos nostrosque fideles sequaces armigeros, insidiose prestolante, sed huiusmodi potentia Turcorum eorundem ante faciem nostri exercitus terga vertente, versus castrum Izzdril appellatum intra ambitum dicti regni Rascie habitum, regno ulterius in eodem progrediendo devastationesque et incendia magna committendo, prefatus condam Wilhelmus nostro lateri semper adherendo, uti athleta dei, fidelissimos nobis et sacro nostro dyademati et gratissimos exhibuit famulatus, in quibus nimia preventus egritudine ad propria rediens vitám finivit temporalem. Denique etiam digne et merito de eiusdem comitis Hermanni nunc superstitis, soceri scilicet nostri carissimi, fidelissimis obsequiis, virtuosis gestis et suis actibus strenuis ad memóriám futurorum aliqua duximus patescenda. Nam dum nos anno et tempore uti prediximus, iam retrolapsis, Christi nomine invocato ritum regnicolarum salutiferum incitando, gentibus armigeris, de diversorum ceterorum et nostri regnorum climatibus procere ingentisque quantitatis militibus et gentibus armigeris feliciter agregatis, pre ceteris nostris fidelibus primatibus eodem spectabili et magnifico comite Hermanno socero nostro cum vexillo suo valido armigerorum prepollente cetu laudabiliter suffulto, et una nobiscum personaliter progrediente addictorum Turcorum et Bayzath imperatoris eorundem sevitiam comprimendam et elidendam ad climata dicti regni nostri Bulgarie, ubi ipsorum Bayzath imperátor et Turcorum ceterorumque scismaticorum grandis cetus pullulabat, castra metati fuissemus, et Bydinio civitate fortissima, necnon Strachimerio eiusdem imperatoris nostre ditioni votive subiugatis, abhincque eminus egrediendo et castro Oriho nuncupato per Turcos retento, 1"
