Thallóczy Lajos–Hodinka Antal: A horvát véghelyek oklevéltára 1490-1527. (Budapest, 1903. Magyarország melléktartományainak oklevéltára. Codex diplomaticus partium regno Hungariae adnexarum 1.)

— 503 — habén wir mit seinem caplan, der in gedachts Grn. namen hie bei uns gewest, ain summarie uberslagen alles, daz gedachter Gr. an seiner bestallung emphangen hat, gethan, darin wir ime die 485 ducaten, so ir ime auf ain profandkauf gegeben habén in eur profantraitung hie angetzaigt und verrait habt, auch geslagen und abgetzogen, wie ir aus beiliegendem auszug vernemben werden. Und wiewol gedachter caplan umb daz, so s. H., der Gr., laut eur eingelegten raitung von euch emphangen, kain wissen habén wollte und vermaint hat, s. H. war deshalben mit euch noch nit vergleicht und mecht villeicht einred darvon habén oder nit gestendig sein, darumben ime swerlich und nit verantwurtlich sein wolt, solche raitung antzenemben, habén wir ine doch dahin vermugt, daz er sich des rests . . . . darauf betzalen lassen und von ss. Hn. wegen quittirt hat mit dem beschaid, des wir euch schreiben und bevelchen wellen, mit sm. Hn. solches gelts halben entlichen zu vergleichen und richtig zemachen. Darauf schicken wir eu hiemit die 2 quittumb, so ir deshalben vom Grn. in raitung eingelegt, mit demselben, wellet euch aufs eist zu ime verfuegen, ire seins emphangs aus denselben quittungen und in ander weg, wie ir wisst, erinern und alsó die sachen mit ime alle richtig machen, damit die camer weiter anlaufens und handlung seinethalben entladen werde, auch die Crabatisch quittumb umb ain Teutsche oder Lateinische auswechsln oder aber ain quittumb umb gantze summa, die er von euch emphangen hat, von ime nemen und dieselbe nachmaln hieher zu der camer zu eur raitumb erlegen, wie sich geburd. D. Wien, den 1-ten tag Februarii anno etc. im XXVI-tn. An Jobsten Lilignperger, oberisten profantmaister. 1526 febr. 1.