Thallóczy Lajos–Barabás Samu: A Blagay-család oklevéltára. Codex diplomaticus comitum de Blagay. (Budapest, 1897. Mon. Hung. Hist. Dipl. 28.)

spectantibus et pertinere debentibus, omnino in comitatu Zagrabiensi existentibus et habitis, et insuper in universis rebus argentfeis] et aureis, pecuniisque paratis praefatorum olim Michaelis Zlwny patris et dominae Barbarae Rozg[ony] matris eiusdem dominae exponentis post mortem et obitum spectabilis et magnifici olim domini Franci[sci] praedictorum Dalmatiae, Croatiae et Sclavoniae regnorum bani, filii utpote praefati olim Georgii filii praenom[inati] olim comitis Michaelis Zlwny de Frangepanibus, fratris eiusdem dominae exponentis fratruelis, dictae viro dominae Annae Zlwny relictae carnalis devolutis, omnino ad valorem quinquaginta millium florenorum auri se extendentibus et apud manus antelatae dominae Annae Zlwny relictae habitis, ipsamque dominam exponentem cum eadem domina Anna aequali iure femineo concernentibus per vos divisionem facere portionesque suas ex hinc sibi sorté divisionaria cedere et provenire debentibus pro se rehabere vellet, iure regni requirente. Et quia huiusmodi bonorum et iurium possessionariorum ac etiam bonorum et rerum mobilium divisio inter fratres et sorores carnales ac etiam fratrueles et matrueles, nec non patrueles aequali iure concernentium non longo litis processu, sed saltem per comites vei vice comites et iudices nobilium regni illius comitatus, ubi et in quo talia bona dividenda adiacent, fieri soleat atque possit, pro eo vos harum serie hortamur atque autoritate nostra banali qua fungimur vobis committimus et mandamus, quatinus acceptis praesentibus et praemissis sic ut praefertur stantibus et se habentibus, in uno certo et brevi termino per vos partibus ipsis ad id [praefigendo] ad facies praescriptorum totalium castrorum praefati olim Michaelis Zlwny patris antelatae dominae exponentis G[ore ac inferijor et superior Kladwssa, Kerzthvnya, Czethyn, Zlwni et Kremen, ac castelli Lethowanych in territorio praetac[ti castri] Gore in modum fortalitii erecti, cunctorum denique oppidorum, villarum, possessionum, praediorum, portionumque et quorumlibet iurium possessionariorum ad eadem castra et castellum spectantium et pertinere debentium, omnino in antelato comitatu Zagrabiensi existentium, vicinis et commetaneis eorundem, partibus etiam ipsis vei earundem legitimis procura-