Thallóczy Lajos–Barabás Samu: A Blagay-család oklevéltára. Codex diplomaticus comitum de Blagay. (Budapest, 1897. Mon. Hung. Hist. Dipl. 28.)

CCLIII. 1550 körül. A menityi nemesek bemutatván a királynak privilégiumaikat, a néhai Blagay Istvánnal folytatott perüknek bevégzéseért esedeznek. Sacratissima regia maiestas, domine domine clmentissime. Hieme proxime exacta in civitate Augusta ad instantéin supplicationem spectabilis et magnifici quondam domini Stephani Ursini comitis de Blagay mandaverat nobis maiestas vestra, ut tricesimo secundo die sui huc adventus et ipse quondam dominus Stephanus Blagay et nos omnia iura et privilegia factum possessionis nostrae Menych concernentia in praesentiam maiestatis vestrae produceremus finálém illius causae determinationem accepturi. Nunc itaque domine clementissime mandatis maiestatis vestrae ut debemus obtemperare volentes, universa iura nostra ac etiam testimonia multorum proborum fide dignorum hominum super proprietate dictae possessionis Menyth in conspectum maiestatis vestrae attulimus; quare supplicamus maiestati vestrae, dignetur pro sua clementia et divina iustitia iura nostra revidere ac diuturnae litis finem hie facere, ne cogamur crebras facere expensas et fatigas, nam aliquoties coacti sumus in conspectum maiestatis vestrae Pragam et alia longinqua loca proficisci, parati etiam fuimus ad mandatum maiestatis vestrae coram commissariis suis Zagrabiae iura nostra producere et finem causae nostrae expectare, praedictus tamen quondam dominus Blagay comparere noluit; propterea iterum atque iterum supplicamus maiestati vestrae, dignetur hoc postremo termino finem omnium laborum et expensarum adeoque causae huius facere, quod nos apud maiestatem vestram una cum liberis et.posteris nostris perpetuis fidelibus servitiis promereri contendemus. Gratiosum expectamus responsum eiusdem maiestatis vestrae fideles subditi nobiles possessionis Menyth. Eredetije egész íven az orsz. Utárban, Neo-reg. act. F. 1010. 76.