Thallóczy Lajos–Barabás Samu: A Blagay-család oklevéltára. Codex diplomaticus comitum de Blagay. (Budapest, 1897. Mon. Hung. Hist. Dipl. 28.)

CCLÍI. 1550 körül. Blagay István özvegye Frangepán Dorottya és fia Ferencz kérik Ferdinándot, hogy a Zrínyi Miklós által hatalmasul elfoglalt Menityet és Zmerczkovicsot adassa vissza. Sacratissima maiestas regia et domine, domine clementissime. Exponitur eidem in persona fidelium et humilium servitorum ac orphanorum eiusdem vestrae sacratissimae maiestatis, generosae videlicet et magnificae dominae Dorotheae de Frangepanibus relictae ac magnifici Francisci pueri filii spectabilis et magnifici olim domini Stephani Ursini comitis de Blagay fidelis utpote servitoris sacratissimae maiestatis vestrae, qui 15. die mensis Iulii proxime praeteriti obiit, qualiter superioribus annis idem olim dominus comes Stephanus Ursinus dum vivebat, vestrae sacratissimae maiestati pluries conquestus fuisset contra spectabilem et magnificum dominum Nicolaum comitem Zryny regnorum sacrae maiestatis vestrae Dalmatiae, Croatiae et Sclavoniae banum ex eo, quod ipse possessionem ipsorum exponentium Menychy vocatam praeteritis temporibus iam videlicet tempore banatus sui nullo penitus iuris ordine observato occupasset. et eo tunc vestra sacratissima maiestas visis et perspectis vetustis iuribus ipsorum exponentium utputa serenissimorum et inclytissimorum olim divorum regum Hungáriáé Lodovici ac Ladislai et Caroli, nec non Sigismundi imperatoris, praecessorum scilicet suae maiestatis literis, et deinde spectabilis quoque et magnifici olim domini Mathiae Gereb de Vyngarth eorundem regnorum sacratissimae maiestatis vestrae Dalmatiae, Croatiae et Sclavoniae bani adiudicatoriis, consideratis etiam articulis Novizoliensibus ac oneribus in eisdem specifice declaratis de et super remissione bonorum possessionariorum per quoscunque violenter ac potentia mediante occupatorum eandem possessionem Menych ipsis exponentibus per dictum dominum Nicolaum comitem et banum sub praedicta poena one-