Thallóczy Lajos–Barabás Samu: A Blagay-család oklevéltára. Codex diplomaticus comitum de Blagay. (Budapest, 1897. Mon. Hung. Hist. Dipl. 28.)
CL VIII. 1430. apr. 28. Zsigmond király a Tolna vármegyei Závodról Blagay László részére szóló adománylevelét s a szegszárdi convent igtató jelentését átírja. (S)igismundus dei gratia romanorum rex semper augustus ac Hungarie, Bohemie, Dalmatie, Croatie, Rame, Servie, Gallicie, Lodomerie, Comanie Bulgarieque rex et Lucemburgensis heres universis Christi fidelibus presentibus pariter et futuris presens scriptum inspecturis salutem in salutis largitore. Ordo suadet equitatis et ad apicem pertinet regalis dignitatis, ut ea, que rite processerunt, illibata conserventur et que a fidelibus iuste petuntur, ad exauditionis gratiam admittantur. Proinde ad universorum tam presentium quam futurorum notitiam harum serie volumus pervenire, quod fidelis noster Ladislaus filius Nicolai de Blagay nostre maiestatis adiens conspectum exhibuit nobis quasdam duas literas, unam videlicet nostram patentem moderno secreto sigillo nostro consignatam super nostra donatione et perhennali collatione cuiusdam possessionis nostre Zawoth nuncupate, in comitatu Tholnensi existentis, que condam Michaelis Zerechen de eadem prefuisset et propter notam infidelitatis eiusdem ad manus nostras extitisset devoluta et cunctarum aliarum villarum, possessionum, prediorum et iurium possessionariorum ad easdem rite spectantium, et aliam conventus ecclesie Saxardiensis privilegialem super legitima statutione medietatis eiusdem possessionis Zawoth ac villarum integrarum Thewel, Kekenyes, Balyatha, Naghweyke, Kysapar, Teryek et Gerenyes appellatarum, ac pertinentiarum et utilitatum earundem quarumlibet pro annotato Ladislao filio Nicolai et suis heredibus rite factis confectas tenorum snbnotandorum, supplicans exinde prefatus Ladislaus nostre maiestati humiliter et devote, ut easdem binas literas ratas, gratas et acceptas habendo, nostrisque literis privilegialibus verbotenus inseri et conscribi faciendo pro ipso et suis heredibus perpetuo valitnras confirmare dignaremur. Ouarum quidem literarum,
