Thallóczy Lajos–Barabás Samu: A Blagay-család oklevéltára. Codex diplomaticus comitum de Blagay. (Budapest, 1897. Mon. Hung. Hist. Dipl. 28.)

favore. Insuper possessiones eorum, castra, villás, oppida sive predia et terras hereditarias, emptitias vei alio iusto titulo acquisitas, quas et que certis veris et iustis privilegiis seu instrumentis evidenter comprobaverint, cum omnibus utilitatibus et ad eas pertinentiis universis aut iuribus eisdem auctoritate presentium confirmamus sine preiudicio tamen iuris alieni. Ipsi autem propter bonum fidelitatis iam incepte, et in signum satisfactionis et emende tria castra nostra Zumzed, Vrbaz et Galas vocata ad ius regale pertinentia, que hactenus indebite occupata potentialiter detinuerant, nobis reddiderunt pleno iure, sicuti primitus nostra extiterunt. Preterea omnes possessiones Raduzlai condam bani, patrui eorum, castra, villás, terras cum ceteris utilitatibus et attinentiis tam hereditarias quam emptitias sive alio iusto modo et nomine acquisitas, quas ad presens possidere, tenere et habere dinoscuntur, super quibus privilegia aut alia instrumenta quevis rationabiliter rite et iuste emanata atque confecta nobis exhibere poterint, quamquam propter eiusdem infidelitatis commissa et notam, quam ob hoc incurrerat, de iure et consuetudine regni nostri approbata ad manus nostras regias devolutas ex novo de munificentia regia supra dictis filiis Babunyg et eorum heredibus, suorumque heredum successoribus dedimus, donavimus et contulimus iure perpetuo valiture donationis titulo irrevocabiliter possidendas, tenendas et habendas et eas auctoritate regali ac vigore testimoniorum supra dictorum confirmamus salvo similiter iure alieno permanente. Pollicemur nichilominus et promittimus eisdem hec omnia premissa suo modo inconcusse et perpetua stabilitate observare et tenere, eosque omni dilectionis favore prosequi et amplecti tam in promotione honorum eis congruentium, quam in aliis bonis, dumtaxat ipsi in ea fidelitate, quam nobis literis suis mediantibus tenere et observare inviolabiliter se obligarunt, sicut in eisdem literis plenius colligitur, finaliter perseverent. Ut igitur huius nostre gratie, donationis, confirmationis et ordinationis series salva semper et illesa permaneat, nec processu temporum per quempiam valeat in irritum revocari, eisdem in testimonium et robur perpetue firmitatis presentes concessimus literas duplicis sigilli nostri et eiusdem domini archiepiscopi, ac ceterorum reveren-