Thallóczy Lajos–Barabás Samu: A Blagay-család oklevéltára. Codex diplomaticus comitum de Blagay. (Budapest, 1897. Mon. Hung. Hist. Dipl. 28.)
dominorum Timothei Zagrabiensis, Dionysii Iauriensis et Lodomerii Waradiensis episcoporum ac capitulorum eorundem, item capitulorum Strigoniensis, Zagrabiensis, Albensis et Budensis ecclesiarum tenebitur confirmare. Intervenit etiam, quod si qua partium prioris machinationis carbones reaccendere attemptaverit, per quod predicte pacis et ordinationis effectus tam pie et salubriter ordinate possent violari, retractari vei infringi tam per se, quam per suos vei etiam extraneos aut forenses, ex tunc cum Dathan et Abyron, quos terra vivos absorbuit, accipiant portionem et nichilominus condigna regie severitatis animadversione plectantur, et hoc idem dominus noster rex propter conservationem predicte pacis ad maiorem rei cautelam bona fide, exacta diligentia exequatur, preveniendo alterutrum partium ut promisimus, si quam resilire contigerit de ordinatione pacis promisse vei eandem violare, et insuper dictus venerabilis páter episcopus Zagrabiensis candelis accensis et extinctis et pulsatis campanis in ecclesia sua cathedrali violatores predicte pacis denunciabit in scriptis publice excommunicatos et faciet eosdem ab omnibus arctius evitari omnibus diebus dominicis et festivis secundum, quod ex consensu et voluntate partium utrinqlie condictum extitit et iuratum seu etiam ordinatum et expresse per partes cautum, inpactum et deductum. Nec hoc pretermittimus, quod si per quospiam in premissis offensam inferri contigeret citra consensum aliorum, non alii, sed tantummodo cum pena suas actiones tenere debeant, offendentes seu etiam transgressores dicte pacis puniantur, quos culpabiles reperiri contigerit in premissis, innocentes vero nocentibus se adversarios manifeste constituant et infestos. Promisit etiam idem Stephanus banus pro se et fratribus suis ac tota generatione et societate sua data fide, tactis lignis vivifice crucis et sacris reliquiis premissa omnia attendere et servare, et facere attendi per suos et servari; et econverso idem Nicolaus banus data fide, tactis lignis vivifice crucis et sacris reliquiis pro se et fratribus suis prenotatum Stephanum banum, comitem Radislaum ac alios sepe dÍ9tos omni amore complecti et favore et premissa omnia attendere et servare, et facere per suos attendi et servari. Blagay Oklevéltár. 3
