Thallóczy Lajos–Barabás Samu: A Blagay-család oklevéltára. Codex diplomaticus comitum de Blagay. (Budapest, 1897. Mon. Hung. Hist. Dipl. 28.)

nensi a partibus transmarinis revera agnovimus fore, et propter quandam seditionem atque tumultum inter ipsos comites et senatores urbis Romane suscitatas exivisse et ad magnificum virum dominum Hermanum, comitem de Gorichia in partibus Korintie existentem venisse ac filiam suam ritu legitimo matrimoniali in uxorem sibi duxisse, hie comes Stephanus attendens et considerans tribulationes et contumelias atque oppressiones gentium ante dicti ducatus Sclavonie graves, sperans quoque se posse ipsis opem consolationis ferre atque eis in huiusmodi iugo et oppressione miserabili patrocinari valere, ipsi quoque patri nostro et nobis, totique regno notabile et supreme acceptabile obsequium servitutis impendere debere, missis itaque fidelibus ambassiatis suis ab eodem patre nostro circa huiusmodi oneris assumptionem, servitiique executionem licentie et admissionis facultatem impetrare, et sibi exinde adhibita idem comes Stephanus non post multorum decursum dierum una cum non modica suorum pharaliga fidorum armatorum familiarium terram annotati Alberti potenter animoseque invadens et ipso similiter cum suis sibi occurrente, inter partes utrasque duro diutius certaminis conflictu servato, ubi quatuor ipsius Stephani notabiles viri sibi in linea consanguineitatis proxime et septem strenui sui milites per lineam similiter proximitatjs attinentes occubuere, ipseque in suo corpore non pauca suscepit vulnera gravia, ad ultimum vero ipsi Alberto fortuna novercante et cunctis iam bonis tam suis quam incolarum suorum destitutis ac antefato Mihoua, nec non dominio et possessionibus penitus in favillam redactis per ipsum comitem Stephanum in certamine campestri prepotentis dei virtute omnibus fere elisis et devictis ad id et in tantum, ut quosdam ex eisdem dira nece consumptos, alios autem captivitati traditos, reliquos vero aufugatos fore experimento veritatis perhibente novimus; his equidem sic feliciter ad ipsius domini et patris nostri decus, regnique sui fructuosum profectum et tranquilli status quietem ad effectum perductis, eundem nichilominus Albertum alias indomabili corde tumescentem iamque permolitum et precipitem ad pedes ipsius domini et patris nostri collapsurum et ab eodem misericordiam et veniam de commissis implo-