Teleki József gróf: Hunyadiak kora Magyarországon. Oklevéltár. XII. (Pest, 1857.)
pussen gebotten ist. In massen das die brief desshalben ausgangen. Vnd Ewerer lieb verkundt eigentlicher ausweisen. Solhem besluss vnd gebot Ir aber bisher vngehorsam erschinen vnd dardurch in die pene vnd pusse in denselben ausgegangen briefen begriffen verfallen seidt, Hat vns vnnserer keijserlichen Camer Procurator Fiscal deshalben vmb Recht wider Euch diemutigclich angeruffen vnd gebetten. darauf so heischen vnd Laden wir Euch ernnstlich gebiettende. Daz Ir auf den funfunduirtzigsten tag den nechsten nach dem Euch diser vnser brief geantwurt, oder verkundt wirdet , der wir Euch funffzehen für den Ersten. Funffczehen für den anndern, vnd funffczehen für den dritten vnd letzten Rechttag setzen vnd benennen peremptorie. oder ob derselb tag nit ein Gerichts tag sein wurde, auf den nechsten Gerichts tag darnach, vor vns , oder dem , dem wir das an vnnserer stat beuelhen. Wo wir dannzumal im Reich sein werden. Selbs oder durch Ewern volmechtigen Anwalt komet vnd Rechtlich erscheinet, zusehen vnd zuhören. Euch auf anrüflen vnd begeren des obgemelten vnnsers Procurator Fiscals. oder seines volmechtigen Anwalts, vmb Ewer vngehorsam in die pene straff vnd pusss. in den vorberurten briefen begriffen, verfallen zusein, mit Recht zuerkennen vnd zuercleren vnd ferrer notdurfftig processs des Rechtens wider Euch zugeben vnd ergeen zulassenn. Oder aber Redlich vrsach dawider Rechtlich furzubringen vnd zusagen. Warumb das nit sein solle. Wann Ir komet vnd erscheinet alssdann also, oder nit, Nichts destminder wirdet auf des genannten vnsers Procurator. oder seines Anwalts anruffen vnd eruordrung im Rechten volfarn vnd procedirt. als sich das nach seiner Ordnung geburt, Darnach wisse sich Ewer lieb zurichten Geben zu Wienn am Vierezehenden tag. des Monads Marcij. Nach Cristi gepurde. vierezehenhunndert vnd im zweijundachtzigsten. Vnnsers Keisertumbs im dreissigisten Jarenn. Ad mandatum proprium domini Imperatoris A császári királyi bécsi titkos levéltárból.
