Teleki József gróf: Hunyadiak kora Magyarországon. Oklevéltár. XI. (Pest, 1855.)

Commissio propria Domini Regis. Nos Mathias Dei Gratia Rex Hungarie Bohemie etc. Memorie commendamus tenore presentium significantes quibus expedit universis, Quod nos tum consideratis multimodis fidelitatibus, et fidelium servitiorum , gratuitis meritis fidelium nostrorum Prudentum et Circumspectorum vniuersorum Civium ot Inhabitatorum Civitatis nostre Bistriciensis per eos primum Sacre huius Regni Corone, et tandem Maiestati nostre, sub locorum et temporum varietate constanter exhibitis, et impensis, tum etiam pro commodo et utilitate eiusdem Civitatis nostre Bistriciensis quandam Domum, seu Fundum Curie quondam Beclie in eadem Civitate nostra sitam, quam alias quondam Michael Zekel de Zenthiuan ex donatione nostra tenuisset, et possedisset, sed que expost per notam Infidelitatis eiusdem quam tune contra nostram Maiestatem iucurrisset, pro qua ipse etiam mortis penam luit, ad Collationem nostram devoluta, et tandem quondam Magnifico Nicolao Chupor Waywode Transsiluanie per nos donata extitisset, sed nunc per defectum seminis eiusdem quondam Nicolai Chupor rursum ad Collationem nostram rite et legitime devoluta fore perhibetur, Simul cum cunctis suis utilitatibus et pertinentijs quibuslibet, puta , terra Chyger nuncupata, ac alijs terris arabilibus, cultis et incultis, agris, pratis, pascuis, Fenetis, et Silvis, ad eandem de Jure, et ab antiquo spectantibus, et pertinere debentibus , premissis sic, vt prefertur, stantibus, et se habentibus, memorate Civitati nostre Bistriciensi, et per consequens Civibus, et Inhabitatoribus in eadem pro tempore commorantibus, de manibus nostris Regijs dedimus , donavimus , et contulimus , quinimmo damus, donamus et conferimus Jure perpetuo, et irreuocabiliter tenendam, possidendam pariter et habendam, Salvo Jure alieno, harum nostrarum Secreto Sigillo nostro consignatarum vigore et testimonio litterarum mediante. Quas in formám nostri privilegij redigi faciemus, dum nobis in specie fuerint reportate. Dátum Bude Sabbatho proximo post Octavas Festi Sacratissimi Corporis Christi. Anno Domini millesimo quadringentesimo