Teleki József gróf: Hunyadiak kora Magyarországon. Oklevéltár. X. (Pest, 1853.)
Romisschen zu Hungern, vnd ze Behem etc. Kunigs Herczogen zu Osterreich vnd Markgrauen ze Merhern etc loblicher gedechtnus, ainen Mandlichen Erben, genant Lasla, geperet haben, Vnd wann aber desselben vnsers lieben Sunes Kunigreich vnd fürstenthumb, Lanndt vnd Lewt, grosser vnd merklicher hilff vnd beystands notdurfTtig sind , domit sij desterpas beschirmet vnd Regirt werden vncz sij der benant vnser lieber Sun selber Innehaben vnd verwesen mag , Vnd nach dem , vnd der obgenant vnser lieber Sun , nach gescheht des benanten vnseres lieben Herren vnd Gemahel In dem kunigreich ze Hungern vncz auf sein bescheidne Jare sal gezogen vnd gehalten werden, dadurch pilleich das fürstenthumb Osterrich,mitsambt seiner zugehorung wirdet furgesehen, mit ainem Gerhaben vnd verweser, der vns, vnd dem egenanten vnserem Sun auch dem yecztgenanten fürstenthumb Osterreich, mug vorgesein Also haben wir angesehen vnd betrachtet, solhen guten willen , so der obgenant vnser lieber herre, vnd Gemahel, weilent kunig Albrecht, zu dem Hochgebornn fursten, vnserin lieben vettern vnd Sun, Herczog Albrechten, Herczogen ze Osterreich etc. für menikleich hat gahabt, auch solch feruntlich erpieten. Darinn er sich dann alczeit, gen vns vnd vnsern kijndern hat beweiset , vnd das er auch angepornner freuntschaift der yeczt berurten vnserer lieben kijnder nächster freund , vnd ainer von Osterreich ist, auch das er demselben furstenthumb Osterreich , am fuglichsten vorgesein mag, Vnd haben vns. mit demselben vnserm lieben vettern Herczog Albrechten, verainet, das wir In, durch solher vrsach auch von merer krefftigung, Sicherheit vnd ausrichtung willen , auf alle die gerechlikait vnd Erbschafl't So wir vnd vnser obgemelter lieber Sun kunig Lasla zu dem furstenthumb Osterreich haben, demselben vnseren lieben Sun kunig lasla ewrem Rechten vnd Naturleichen Erbherren , zu ainem Gerhabcn vnd verweser haben genommen, das er dasselb furstenthumb Osterreich mit aller zugehorung vnd gewaltsam, nichts darlnn ausgenommen, als ain Gerhab , vnd verweser , Innhaben vnd verwesen sal , vncz der benant vnser lieber Sun kunig Lasla Sechczehen Jar alt ist, Auch haben wir dem egenanten vnserm lieben vettern, Herczog Albrechten, vnsere Geslosser, die vns von dem egeinelten vnse-
