Teleki József gróf: Hunyadiak kora Magyarországon. Oklevéltár. X. (Pest, 1853.)
Innehett, lözen, vnd an sich vnd die egenanten vnser Tachter bringen sol vnd mag, nach dem bequemsten, als Er mag, vnd sollen alsdann vnser egenanten Sone vnd vnser Tochter mit sambt Irn leibserben , die Sy miteinander gewünnen dieseben Herczogtum vnd Grafchsaft mit allen seinen Zugehörungen , Als vorgemelt ist , erblich vnd ewiclich haben , halden gebrauchen vnd besiezen , von vns vnd allen vnsern Töchtern vnd erben vnangesprochen vnd vngehindert , Doch so haben wir vns das vorbehalden , Wer sach daz vns got durch sein heilig gnade eines sones beriete , So mügen Wir vnd derselb vnser Sone, das egenant Lannd Luczemburg vnd Grafschaft mit Iren zugehörungen , vnd alle obgemelte stüke , von vnserm lieben Sone Herczog Wilhelm , unserer Tochter oder Iren erben lözen vnd ledig machen vmb solich summ geldes , darvmb Sij des Irn zu schuczung, vnd billicher notdurfl derselben lannd vnd Lewt ausgeben vnd dargelegt beten auch wissentlich getrewlich vnd vngeuerlich, Vnd wenn wir vnd vnser Sone solich gellt vmb lózung vnd darlegung In beczalt haben, So sollen Sij oder Ir erben vns solichs Lannds wider abtreten, genczlich an widerred vnd Irrung, Wer aber sach daz die egenanten vnser Sone vnd Tochter beide von gotes verhengnüss mit tode abgiengen , vnd nit leibserben, die Sij miteinander heten, hinder In Hessen , das got wende, So sollen wir oder vnser ander Tochter , oder nechste erben die wir hetten, macht haben, das egenant land Luczemburg zu lösen vnd wider an sich zebringen , von des egenanten vnsers Sones Herczog Wilhelms erben, die dasselb Lannd dann nach Im ijnnehaben wurden , vmb solich summ , darum Sij dann daselb Lannd , an sich gelözet , vnd die Sij dann auch darauf gelegt hetten In masse als vorgeschriben ist, Solicher lózung vns vnd vnsern erben auch gestatt werden sol , wenn das an Sij eruordert wirt , vnd wir gepieten darvmb allen vnd iglichen Prelaten, Grauen , Banirherren , Frien , Herrn , Rittern , Knechten , Steten vnd gemeinden , vnd allen vnsers egenanten Herczogtums zu Luczemburg vnd Grafschaft Chijnij vndertanen vnd getrewen ernstlich vnd vestiklich mit diesem brief, daz Sy die egenanten vnsern lieben Sone vnd Tochter ofnemen , In hulden , globen, vnd sweren , vnd In auch gewertig vnd gehorsam sein , als Irer
