Teleki József gróf: Hunyadiak kora Magyarországon. Oklevéltár. X. (Pest, 1853.)

der egenant Mathiasch

, oder die so seins tails seinn

, datzwischen khainen frid

, noch anstallung der krieg aufnemen

, oder die aufnemen

, vnd nicht halten wollen

, sunder auf vns, vnser, vnd der vnsern jnner oder ausserhalb des bemelten vnsers künigkreichs wonhafften herschefft vnd guter, mit machtt ziehen , oder beschedigen würden , daz er vns alsdann , vann er von vns darumb wirdet angelanngt, in aigner person, vnd mit machtt neben vnser person , wider denselben Mathiaschen vnd die seinn

, all annder sein sach vnd geschetft hindangelegt beysteen sol vngeuerleich, als dann das in seiner frewntschafft brieue, vns darumb gegeben, begriffen ist. Daz wir seiner lieb, daentgegen bey vnsern kayserlichen worten zugesagt haben, zusagen vnd geloben auch wissenntlich mit dem brief, Ob die gutleichen teding als vor steet, nicht verfienge, daz wir alsdann an veiter aufsehub mit unser aigner person vnd machtt, auf sannd Jacobs tag im Snit schierstkomenden in dem bemelten veld bey prespurg auch sein

, vnd den Sachen der kronung, vnd vnsers ingangs in das kunigkreich Hungern, aufrichticleich mitsambt Im nachgeen sullen vnd wellen treulich vnd angeuerde, Mit vrkunt des briefs, Geben zu Brünn, an Suntag sannd Oswalds tag. Nach Kristi geburde im viertzenhundert vnd newnvndfunfzigisten

, vnsers Kaysertumbs im achten

, Vnsrer Reich, des Römischen im zwaintzigisten

, und des Hungrischen im ersten Jarn. Coinmissio domini Imperatoris in consilio. A csász. kir. titkos levéltúrból.