Teleki József gróf: Hunyadiak kora Magyarországon. Oklevéltár. X. (Pest, 1853.)
genczlich ausgeschaiden. Und des zu urkund , Geben zu der Newnstat an freitag nach unser lieben frawen tag Assumpcionis. Nach Cristi gepurd vierczehenhundert vnd in dem drew vnd virczigistem Jare. Vnd seindemalen nu solich puntnuss als die obgeschriben notl jnnhaltet widerineniklieh sunderlich auch gen Vngern lautten wirdet vnd nu ettlich erber lewte, zu Ofen zu Geisel geseczt sind, dem kunig von Polau mitnamen HainrichRanndekger, Jorg von Winden Wolfgang Ekeher , Fridrich Vearl vnd Jorg Gall, darumb vns zu disen Zeiten nicht füglich ist die zuuolstrekchen , Aber der wortten das solich puntnuss, die yetzund durch der obgemelten Geisl willen , nit volczogen wirdet , hinfur nicht gehindert nach vnderwegen beleih , sunder gestrakchts vnd erberlich fürsich gee , So geloben vnd versprechen wir dem obgenannten , vnserm Allergenedigisten herren , kunig Fridrichen , den durleuchtigen fursten kunig laslawcn von Vngern vnd den Hochgebomen fursten , vnser. lieben herren Herczog Albrechten vnd Herczog Sigmunden , seiner genaden Bruder vnd vettern vnd jren erben , das wir jn solhen puntbrief, nach lautt der obberurten notein mit vnser baider , anhangunden Insigeln redlich geuertigt , antwurten , vnd vbergeben wellen vnd sullen, von sannd Michels tag nächst künftig vber ain Jar , an alles vercziehen , vnd Irrung , dieselben geuangen werden in derselben Jarfrist ledig oder nit vnd in derselben Jarfrist wir fleis tun wellen, dieselben geuanngen zuledigen, vnd so sy also vorausgang derselben Jarfrist , wenn sich das begeh ledig wurden , es wer durch vnser losung, oder das Sy sust auskamen, oder stürben, wie das darkam , So sullen vnd wellen wir , seiner kuniglichen gnaden , vnd den obgemelten fürsten von Osterreich , solch obgemelten puntbrief, aber versigelt vertigen vnd vbergeben , in zwayen Moneden , nechstuolgenden , nach solher Irer erledigung tode oder auskörnen vngeuerlich. Daentgegen vns dann sein kunigliche gnad sein vnd der obgemelten fürsten von Osterreich puntbrief auch vbergeben sol , nach lautt der Notein die in seinem königlichem brieue , vns yeez gegeben begriffen ist. Doch ob sich begeb das wir solhen obgemelten puntbrief, ee^vertigen würden, ee die obgemelten geuangen ledig weren , So sol vns sein kunigliche genad , vnd die fursten von Osterreich HUNYADIAK KORA. X. KÖT. 10
