Teleki József gróf: Hunyadiak kora Magyarországon. Oklevéltár. X. (Pest, 1853.)
LXI. Fridrik római király mind maga, mind öcscse László magyar király, testréröcscse Albert tvalamintunokaöcscse Zsigmond, nevében Ciliéi Fridrik és Ulrik grófokkal védszövetséget köt minden ellenségeik ellen } kivévén a szent-széket és a német birodalmat. Kelt Neustadtban aug. 16. 1443. Wir Fridrich etc. Bekennen für vns auch den Dürleuchtigen fürsten Kunig Laslo von vngern vnd darczu die Hochgebornen fürsten Herczog Albrechten vnsern lieben brudern vnd herczog Sigmunden vnsern vettern baid herczogen zu Osterreich für die wir vns wissentleich annemen , vnd darczu für all vnser vnd Ir erben vnd nachkomen an den vorgenanten lannden , vnd tun kund offembar mit dem brieue allen den er furkomet vnd geezaigt wirdet , Als die wolgebornen fridrich vnd vlreich sein Sone Grauen zu Cilj zu Ortenburg vnd Im Seger unser fürsten vnd lieb getreuen sich yeez zu vns und vnserm haws Osterreich etc. verpunden haben nach lautt derselben brieue darüber gegeben Also nach sunderlicher dancknemkeit vnd darczu durch besunderer zunaygung willen so wir zu denselben von Cilj haben , auch durch solieher getrewen dinst willen , damit sich Ir voruordern und Sy gen vnsern voruordern den fürsten von Osterreich seliger gedechtnuss redlich vnd wol bewist haben , vnd Sy das hinfur gen vns , vnd dem haws zü Osterreich wol getiin mögen, vnd des willig sein So haben wir vns gegen In vnd Iren erben widerumb mit guter vorbetrachtung vnd nach zeitigem Rate genczlich verwilliget vnd begeben , vnd geloben In bej vnsern kuniglichen worten in krafft diss brieues für vns vnd all vnser erben den egenanten von Cilj vnd Iren erben ewiclich vnd vnwiderrüffenlich beijstendig geraten , vnd geholffen , vnd Ir getrew schirmer vnd helfer zu sein nach vnserm vermögen vnd auf vnser selbst darlegung Wenn Sy Yns darumb anruffen vnd des be-
