Teleki József gróf: Hunyadiak kora Magyarországon. Oklevéltár. X. (Pest, 1853.)

Albrecht von gotes gnaden Kunig zeVngern Dalmacien vnd Croacien herczog ze Österreich vnd Markgraf ze Merhern etc. HochgebornerFürst, und lieber Vetter.Als vvir deiner lieb am nachsten babén verschriben, wie wir, vnd die Irleucht fiirstinn fraw Elisabeth, vnser liebe Gemahel, wern zu Kiinig, vnd Küniginn, ze Yngern erwelet worden. Yerkünden wir, deiner lieb aber zu sundern frewden, daz wir vnd die egenant vnser liebe Gemahel, nu nachst an dem Ebemweichtag, in gegenwürtikait vil Prelaten, Lantherren, vnd Inwonern des Künigreichs ze Yngern, zu Weissemburg, von gab, vnd verhenngnuss vnsers herren Jesu Christi gekrönet worden sein, an all intrag, vnd widerwertikait, des wir got den almechtigen innicleich lobén, vnd seinen götleichen gnaden pilleich dankhen, So ist vns heut ain schreiben von vnsern Reten, vnd dienern die wir gen Prag zu der LanntschafTt ze Behem habén gesannelt, kömén, desselben briefs abschriíít wir dir sennden hieinn beslossen *), daran du wol magst vernemen, wie vnser sachen daselbs ain gestalt habén, vnd gesehikhet sein, das alles verkünden wir deiner lieb, aber in sunderm wolgetrawn, vnd zu sunderleichen frewden, wan wir zweyfeln nicht, wenn du das vernemest, du emphahest dauon mitsampt vns frewde, vnd guten mut, wan wir ye desgeleichen widerumb frewd, vnd gutn mut gewinnen, so wir hörn, vnd vernemen, daz es deiner lieb, in deinen sachen geliikleich, vnd nach deinem willen geet, als das wol pilleich ist, vnd wie sicli vnser sachen verrer werdent schikhen, wellen wir deiner lieb auch zewissen tun. Geben zu Ofen, an Phincztag nach sant Erhartstag. Anno etc. Tricesimooctavo, vnserr Reicli des Vngrischen etc. in dem ersten Jare, — comissio propria domini Regis facta in consilio. A csász. királyi titkos levéltárból. *) Sajnálni lehet, hogy ezen melleklet nincs meg.