Teleki József gróf: Hunyadiak kora Magyarországon. Oklevéltár. X. (Pest, 1853.)
schaczt vngeuerlich vnd wann er daz also auf weynachten nijmt von vns vnd emphahet , so sollen wir vns darüber quittieren als beredt ist Darnach auf sand Jorigen tag schirist künftig sollen vnd wellen wir Jm oder sein Eriben beezallen vnd ausrichten drithalb tausent gülden Jngold, darumb er vns auch sein quittung geben sol, vnd darnach auf vnser frawen tag assumpcionis den man nenet der Wurczweij auch schirist künftig, für die leczte beczalung sollen vnd wellen wir Jm ausrichten vnd beczalen Dreij tausent gülden in gold vnd wann er solich czalung von vns emphangen hat , so sol er vns disen vnsern gegenbürtigen prief wider geben vnd antwürfen, vnd vnser purgen hernoch geschriben Jr pargschaft ledig sagen vnd lassen, das obengeschriben geloben vnd versprechen wir mit vnsern kuniglichen worten stet vnd vnczeprochlich zahalden vngeuerlich Vnd des zu vrkund haben wir vnser grosser new Jnsigel auf den brief lassen henken, vnd wir auch vmb die obgeschriben Sum Achthalb tausent gülden Jn gold den genanten Hainrichen Czeczko die purgeln die hernoch geschriben sten, die sy dann auch mitsampt vns Jm verschriben haben vnd verpunden geseczt dij dann Jre Sigil auch hie nach an disen brief gehangen haben, Geben zu presburg am Suntag nachtst nach der hailigen Elftausent Junkfrawen tag, Nach christi gepurd Vierczehenhundert Jar vnd darnach Jm ain vndvierczigisten Jare, Vnd wir Paul Bischof von Arges Thoman von Debrenthe Probst zu wesprim, Valentin von Lijptow auff Keselewkw, vnd Demeter von zagorhijda der vorigen vnser genedigen Frawen der kunigin vnterschaczmaster, Pürgen für dy obgechriben vnser genedigisten frawen die kunigin geloben vnd versprechen , das dij egenante vnser genedigiste fraw dy künigin alles das oben geschriben stet, stat haldet vnd volkumlich volfürl, vnd ob sy das nicht tat, da got vor seij, so sollen vnd wellen wir das volpringen vnd volfueren , als oben geschriben ist vnd begriffen , vnd des zu vrkund haben wir vnser Jnsigel an disen prief wissentlich angehangen, Geben als vorgeschoben ist, A es. k. titkos leveltárból.
