Házi Jenő: Sopron szabad királyi város története. II. rész, 6. kötet, Pótkötet a I. rész 1-7, és a II. rész 1-5. köteteihez az 1278-1526. évekből. (Sopron, 1943.)

TARTALOM - 26. - 27.

26. 1408 okt 24. Flesir Jakab és fia István, valamint Nyéki Jakab igérik, hogy Sopron városán és lakóin a bebörtönzésük miatt bosszút nem állnak és egy évig a város területére nem lépnek. Ich Jacob Vlesir, ich Steffan Vlesir sein sun vnd ich Jacob von Neckendorff wir veriehen offenlich mit dem briff von der eynczicht wegen, darvmb wir mit schuld yngechömen sein dacz Odenburg vnd ze vangnüs. darvmb vns der erbrer ratt mitsampt der gemain dasselbs begnaden haben, also das wir obgenante drey in aynem jare zu der stat Odenburg noch auff ire hatter nicht komen sullen nach dem tage, als der briff geben ist vnd sullen auch nymands von Odenburg, es sey arm vnd reich, darvmb feind sein noch ir schaden trachten haymelich noch offenlich, das gluben wir in vnd verpinden vns des alles stetzehalten mit vnsern trewn an aydes stat an alles geuer. Wer aber, das wir des nicht stet hielten, als oben an disem briff geschriben ist, wo oder wenne wir des mit der vberfaren würden, so sein wir dann der egenanten stat leibs vnd guts vellig an gnad vor igcleichem gerichte, es wer geistleich oder weltleich, wo wir dann begriffen werden. Des ze vrkund geben wir dem erbern ratt vnd der gemain ze Odenburg disen briff versiglten mit aufgedrukten insiglen der erbern, weisen Niclasen hindrem closter vnd Petreins von Harka, dyzceit paid purger in Odenburg, darvmb wir obgenanten drey sy vleissicleich gebeten haben ze geczewgnus der sache in vnd iren erben an schaden. Geben ist der briff nach Cristi geburde vi'rczehenhundert jar vnd darnach in dem achtten jare, des mittichens vor Sand Symon vnd Judastag. Jelzése: 3418. sz. íLad. XXXIX nr. 29.) Vízjegynélküli papiros, előlapon két db. sárga viaszba nyomott pecsét helyével. 27. 1408—1409. Péter locsmándi biró és az elöljáróság Judlein fia István szabadonbocsátása érdekében a soproni tanácsnál közbenjár.