Házi Jenő: Sopron szabad királyi város története. II. rész, 2. kötet, Végrendeletek, közgyűlési jegyzőkönyvek, polgárkönyvi feljegyzések és különféle számadások 1400-tól 1541-ig. (Sopron, 1931.)

DL számok - DL_3164 - DL_3165

vnd künftiger gedächtnus wegen die wirdigen heren Peter Lang, Vlrichen Rädel beneficiaten, Pauln Schutzner ratspurger all zu Odenburg, Hans Reiss, dieweil schuelmaister daselbst mit fleis darzue erpetten gedachts testament mit kuntschaft, wa es von nöten wurde, zu beweisen an alles geuärde. Beschehn zu Odenburg, am sontag vor Catherine in dem jar, da man zält nach Christi gepurt thausentfunfhundert vnd subenvndzwaintzig jare. Jelzése: 3164. sz. (Lad. H. fasc. 1. nr. 5.). Papiros vízjegy nélkül. E végrendelet eredetinek látszik, noha pecsételés nyoma nem látható rajta, hátlapján e feljegyzés van: presentirt ist ditz geschafft für ainen ersamen rat am freitag vor Sand Antoni tag, der was der 15. tag January, anno 29-ten. 3165. sz. alatt megvan e végrendelet egyszerű, egykorú másolata is papiroson, melynek vízjegye : címerpaizs. V. ö. e végrendelettel az I. 7. kötet 277. sz. oklevelet. 1527 nov. 27. Auer Jakab nejének, Apollóniának végrendelete. An heut, den mittichen nächst nach Sannd Katherina tag, anno etc. im subenvndzwaintzigisten ist frawen Apolonia, Jacoben Awers statschreiber zue Odenburg gemähel, testament vnd lester will auffs kurtzest verzaichend, wie sie dasselb ir geschaft den ersamen vnd weysen hernn Bärthlme Ofner ainem des ratz vnnd Hansen Pieschen, bürgeren zue Odenburg, mundlich angeben vnd vertraut hat. Zumb ersten schaff sy iren zwayen sunen, Hannsen vnd Andre, so sie eelich bey Christoffen Schaplman, weylend burger zue Grätz, irem ersten hauswirt, in eelichem stanndt erzeugt, vierzig phundt phenning zu gleicher erbschaft, also das gemelte ire zwen sun sy vnd Jacoben Awer, iren hauswirt, aller spruch, anfordrung vnd raittung der varunden hab in ires vorigen hauswirtz inuentari bestimpt vnnd derselbigen geltschulden erlassen sollen vnd inen an demselben rest der schuldt, so ich inen als ain muetter zu thuen war — den hausrat in irem hauss zu Grätz verschriben vnd vorhannden — behalten sulién. Item meiner lieben Schwester, jungfrawen Katherina, schaff ich mein schwartze schauben mitsampt den gsperenn vnd ain paternoster mit den klainen corällen vnnd silber khnöpflein. 14.