Házi Jenő: Sopron szabad királyi város története. II. rész, 2. kötet, Végrendeletek, közgyűlési jegyzőkönyvek, polgárkönyvi feljegyzések és különféle számadások 1400-tól 1541-ig. (Sopron, 1931.)
Tartalomjegyzék - I. VÉGRENDELETEK - 68.
Jelzése: 3225, sz. Két ívrétű papiros, melyek vízjegye: kör, felette vonallal, rajta Andráskereszttel, zárlatán 3 db. homályos körvonalú, födött gyűrűspecséttel. 68. 1540 febr. 24. Pessrer György patkolókovács végrendelete. Inn namen Gottes amen. Ich Georg Pesrer huefschmidt, burger zw Odenburg, bekhenn für mich ... 1 zupestettenn. Item zw denn andernn schaff ich alles, so ich vnnder mein las parschaft, ligundt vnnd farundhab, auch schuldenn, wie sie dan woll wissenn, meinen eelichenn sun Wolfgangen, so er yetzundt nit anhaim ist, vnnd Helena, meiner elichenn tochter, alles auff gleichenn halbenn tayl nindert nichts ausgenömen alain den werchzeug, nachdem mein sun Wolfgang das schmidt-hanndwerch gelernt hat, derselb werchzeug sol im alain bleiben. In peisein der testamentarien hat sich mein tochter Helena darein bewilligt, denn ich solich mein verlassen guet alles mit meiner hawsfrawen, yerer mueter seligen, die ich in die 32 jar vngeuerlich eelich gehabt, mit herter arbait, wie meniglich woll wais, vberkhomen vnnd zuwegenpracht hab. Es sol auch mein aidenn, Nicolaus Schmidt, mein sün Wolfgangenn, mein tochter Helena, sein hawsfraw vnnd seine khinderlein, so er bei ier hat, im treulich beuolhen habenn, wie er mir dan vor meinenn lessten willen zuegesagt hat. Item zw dem drittenn nachdem ich drei euch hawsfrawen gehabt, vonn der ersten hawsfrawen Magdalena, des Paul Beber seligen tochter, hab ich ain sun Mathes genant, der pei 13 jaren anhaim nit gebest, dennselben sol halber Neunperg vnnd halber Glaser, denn ich sonnst vonn seiner mueter nichts eingenomen noch bei yer erobert hab, nachuolgen oder seinen erbenn. Es mechten sich villeicht franndt in meinen verlassen guetern zw erben anmassen, so ich 2 bei meinen vorigen hawsfrawen seligen erobert solt haben, wil ich hierin nit verhalten, das ich vonn inen nichts, sunder hab all mein verlassen guet, souil mir Got zaitlich geben vnnd mitgetailt hat, mit mainer lessten hawsfrawen mit vnser paider herten arbait erobert vnnd vberkhomen, alain die zway obbemelte halbe weingartl vonn 1 lényegében azonos az 54. sz. végrendelet bekezdésével, 2 ich kétszer írva. Házi: Sopron sz. kir. város története II 2, 9
