Házi Jenő: Sopron szabad királyi város története. I. rész, 7. kötet, Oklevelek, levelek és iratok 1521-től 1531-ig. (Sopron, 1929.)
Tartalomjegyzék - 254. - 255.
n. burgermaister, richter vnd rate zu der Newnstat zu erkhennen geben, wiewol sy von aliter heer in crafft vnd nach vermugen irer freyhait mit irer kaufmanswaar vnd phenwerdten in das kunigreich Hungern die gemainen vnd gewöndlichen Strassen von menigclichen vnuerhindert gefaren, die märkht daselbst mit allerlay waar besuecht, kaufft vnd verkaufft vnd also bisheer in stäter vebüng vnd gebrauch erhallten, derhalben sy dann zu bewarüng desselben ires lanng hergebrachten gebrauchs in negstverganngner Vassten der künigclichen maiestat verordenten raten vnd commissarien ire freyhait furbracht sehen vnd hören hetten lassen, darauf auch dieselben commissarien ainen gemainen anstanndt gemacht. So sollet ir ew doch vnangesehen der berurten irer freyhait vnd der gedachten commissarien anstanndt vnndersteen weder die von der Newnstat noch annder nicht mer hinabfaren ze lassen, sonnder inen mit aufhalltüng vnd annembüng irer leyb, hab vnd gueter betröen vnd die obgenannten von der Newnstat also irer freyhait vnd allten gebrauchs zu cntseczen, des sy sich vor vnnser anstat der hochgedachten ku(nigclichen) m(aiesta)t mit dem höchsten beswéren vnd darinnen vmb abstellung solhes ewres vnbillichen furnembens vnd gewalts mit vleis gebeten, wie ir aus hierinnligender supplication mit ferrer innhallt vernémben werdet. Vnd dieweil nun die gedachten der ku(nigclichen) m(aiesta)t verordent rät vnd commissarien dermassen, wie in der bestimbten supplication vernomen, jungst zu Odenburg zwischen ewrer zu baider seytten ainen anstanndt gemacht vnd abschid gegeben, furnemlichen das ain yeder tail bey seinem allten herkhomben vnd gebrauch bis auf ferrer hanndlung beleiben solle, demnach ist in namen der mergenannten ku(nigclichen) m(aiesta)t vnnser guetlich begern an ew, ir wellet solhes ewres furnembens gegen den egedachten von der Newnstat vnuerzogenlichen absteen vnd sy vnd ire mitburger bey irem allten herkomben ersessen gebrauch vnd freyhaiten, auch der obgemelten der ku(nigcliche)n m(aiesta)t geboten stilstanndt berueblichen beleiben vnd sy mit iren leyben haben vnd gueteren in das kunigreich Hungern iren notdurfften nach, wie von aliter herkhomen die gemainen vnd gewöndlichen Strassen vnd märkht vngeirrt faren vnd hanndln lassen vnd hierinn guetlichs oder rechtlichs austrag erwartten vnd ew gegen denen von der Newnstat dermassen nachperlichen vnd frundtlichen halten vnd beweisen, damit zwischen ewr gueter frid vnd ainigkhait gespurt vnd nicht von nöten
