Házi Jenő: Sopron szabad királyi város története. I. rész, 7. kötet, Oklevelek, levelek és iratok 1521-től 1531-ig. (Sopron, 1929.)
Tartalomjegyzék - 249.
auf anrueffen vnd begeren ainer potschafft von dem swartzen mann gefanngklich annemen lassen, als sollt ich des graf Hannsen von Czyps, ettwon wayda in Subenwurgen oder annderer desselben grauen anhennger speeher vnd bestellter kuntschaffter sein vnd gedachte des swartzen mann potschafft wellen auskuntschafften vnd hie zw Odennburg in gerichtz fanngkhnuss diezeit des ersamen, weisen Pauln Moritz statrichters daselbs einlegen lassen, der mich dann von Sand Maria Magdalena tag des verschinner sübenvndzwaintzigisten jars biß auf dato ditz brieffs verwarter gehallten. Also hat mich gemellter her haubtman zu Odenburg auf mein vnd annder erberer leut diemuetig gepeth aus berurter fänngkhnus gelassen vnd auf dise mein verschreibüng ledig gezellt, darauf ich denen gestrenngen herren Harttitsch haubtman, burgermaister, richter vnd rate zu Odenburg, denen die sach beuolchen gewest, bey meinen christenlichen eeren vnd waren trewen an aines geswornnen ayds stat zuegesagt, gelobt vnd versprochen hab, gelob vnd versprich inen auch aus freiem willen ganntz vnbezwungenlich vnd in crafft ditz brieffs wissentlich, das ich noch nymannds annder von meinen wegen obberurter vanngkhnus halben zu benanntem herren haubtman noch annderm vom adel noch der kunigclichen m(aiesta)t lanndt vnd leüten, zu burgermaister, richter, rat, gemainer stat Odennburg, iren hindersassen vnd vnnderthonen, auch denen, so zu solcher meiner gefänngkhnuss mit rat oder that geholffen haben noch sunst zu nymannds andern kaynerlay vehd, veindschafft, räch noch vnwillen nymmermer haben, süechen, gewinnen noch die sach in kainem vbl gegen inen vben noch äfern sollen noch wellen weder mit worten noch wergkhen, haimlich noch offenlich in kainerlay weg noch weise, wie das menschensynn erdengkhen khönndten. Ob aber ich oder imannds annder von meinen wegen wider dise mein wilkörliche, vnbezwungenHche verschreibüng in annder weg icht furnemen oder die in ainem oder mer artigkln vberfueren vnd nicht stätthiellten, daz wissentlich gemacht wurde, so sol man mich vnd mein helffer, als vbersagt leut on all weiter rechtfertigung vnd on alle gnad an vnnserm leib vnd leben mit dem strenngen rechten straffen, darinn sol vnns kain freihait, sicherhait noch glaitt furtragen noch schermen, sonnder wir des alles gäntzlich verzigen sein. Das ist alles mein guter will vnd fleissig gebeth. Vnd zu merer Versicherung diser sachen hab ich mit fleis erpeten die erbern, weisen Gregorien Nadt vnd Gregorien Polany, baid burger zu
