Házi Jenő: Sopron szabad királyi város története. I. rész, 4. kötet, Oklevelek és levelek 1453-tól 1459-ig. (Sopron, 1925.)
Tartalomjegyzék - 35.
35. 1453. Bécs, aug. 12. Kanstorffer János felszólítja a soproni tanácsot, hogy a náluk lévő pénzét Ziegelhauser Sebestyénnek, e sorai kézbesítőjének adják meg, miután László királynak megígérte volt, hogy ezt az összeget neki fogja kölcsönözni. Ersamen, weisen vnd lieben herren mein willig dinst wisset beuor. Als von des gelts wegen, so ir mir nach lawtt aines geltbriefs schuldig seyt, des ir mir ettlichs vor guter zeit nach innhaltung ewrs verschreiben an schaden solt entricht haben, des aber noch wisher nicht beschehen ist, hat mir her Oswold Moser zugesagt, wie solh gelt bey einander gancz vorhannden sey, das müg ich erheben, wann mir das fügett. Nü schikcht ycz mein allergenedigister herr kunig Lasslab etc. ettlich sein hofleytt aberts gen Hungern, hab ich sein kunigklich gnad vertröst solh gelt seiner gnaden auf die hofflewt zu zerung ycz darzuleihen, darauf so pitt ich ewr weishaitt in sunderm vleiss, ir weilet meines herren gnaden vnd mir zu fuedrung solh geltt ycz an uercziehen dem gegenburtigen Sebastianen Ziegelhawser, weiser des briefs, zu meinen hannden geben vnd antwurtten, der wirdett ew den geltbrieff do engegen vberantwurten, vnd getraw ew, ir wellet darinn chain vercziehen tun, daran beweiset ir meins herren gnäden sunder fuedrung, so will ich das auch zumall gern vmb ewr weishaytt verdienn. Tatt ir aber des also vcz nicht, das brecht meinen genedigisten herren, den hofflewten, auch mir grosse irrung vnd hindernüss, daraus ew künftiger schad vnd verdenkchen ergen möcht. Geben zu Wienn, an suntag nach Tiburci, anno domini etc. LIII 0 . Hanns Konstorffer, hubschreiber in Osterreich. KivÜl: Den ersamen, weisen, dem burgermaister, richttér vnd ratt der statt ze Odémbürg, meinen lieben herren etc. Jelzése: Dl. 1334. (Lad. IV. et D. fasc. 2. nr. 168.) Papiros vízjegy nélkül, zárlatán homályos körvonalú, födött gyűrűspecséttel.
