Házi Jenő: Sopron szabad királyi város története. I. rész, 4. kötet, Oklevelek és levelek 1453-tól 1459-ig. (Sopron, 1925.)
Tartalomjegyzék - 2.
Jelzése: DL 1301. (Lad. VIII. et H. fasc. 2. nr. 89.) Egykorú, egyszerű másolat kissé rongált papiroson, melynek vízjegye: körben hármas halom vonallal, melyet fent egy kis vonal keresztez. 2. 1453. Bécs, jan. 13. Reicholf Osvát bécsi tanácsos kéri a soproni tanácsot, hasson oda, hogy nőrokona hitbérében rövidséget ne szenvedjen. Ersamen, weysen, lieben herren vnd freunt. Ewrer schreiben, so ir mir habt getan, das hab ich wol vernomen vnd dankch euch des mit fleyss, das ir mir solich verkundung diser Sachen habt getan. Seyd ir ye gericht maint zu tun, auf solich emphelhen, so euch vnser allergenedigister herr der Romisch kayser getan hat, darumb so pitt ich euch, ir last euch mein muemen, als ain frume witiben empholhen sein, damit sy pey irm gemecht an irrung mug beleiben, als ir darumb genügsame vertigung nach Vngrischem vnd Deutschem rechten werdet vernémen; dach hat der Giles icht gut in ewrem gericht hinder sein lassen, das meiner muemen in Irm gemechten nicht ist verschriben, daran sol im mein muemen mit meinen willen kain irrung tun, wann ich hab i'r hinab geben mit der vertigung drewhundert phunt denariorum vnd darzu LXII tal. den. vnd hab im vnd ir auch gelt vnd ander gut angewannt vnd sunst hinab geben, vnd ir vater hat ir nichts geben, vnd ich main alles, das ir ir man vmb fünfhundert phunt hat verschriben, das es vmb souil gelts nicht mocht verkaufft werden, als ich ir zu irem mann berait gelt hinab geben hab, wann solt ich mugen, ich wer noch selber gern hinab komen, wiewol weder mein will, noch geuallen zu der heyret nye komen ist. Jedoch so getraw ich euch wol, ir last euchs ennpholhen sein vnd secht ir eilend vnd ainvalt vnd mein willig dinst darinn an vnd hellfft, das sy nach der gerechtikayt gutleichen darinn gehalten werd. Das wil ich vmb euch gern verdienen. Geben zu Wienn, an sampstag nach Sand Erharts tag, anno etc. LIII 0 . Item last mein muemen vnd dy Traysmaurerin den brief hören, des pitt ich euch vnd orndt ir zu peystand ettwen zu durch mein willen. Oswalt Reicholff, des rats der stat zu Wienn.
