Házi Jenő: Sopron szabad királyi város története. I. rész, 4. kötet, Oklevelek és levelek 1453-tól 1459-ig. (Sopron, 1925.)
DL számok - DL_1591
gefangen all ledig sein, doch zu austrag der sachen vnd des spruchs getégt werden vnd ain ganczer frid vnd bericht sein auch all krieg auffgehebt vnd abgetan werden. Darauff haben sich her Vlreich Eyzinger vnd die anderen sendtpoten hinab zu dem Jan vnd der van Cili gefugt frid mit in zubestellen ze halden vnd de gefangen also zu ledigen oder zu tégen, wurden si aber darinn nicht geuolgig oder gehorsam, so sol k(unig) Lasslaw vnserm herren dem R(omischen) k(ayser) darzue helfen, das man sew darzue bring ; der frawn halben wurd es villeicht richtig, aber vmb den Jan ist ze zweifeln, desgeleichen sol beschehen von der kriegslewt wegen, als Graffeneker, Pémbkircher etc. aller, der so abgesagt haben, vnd hoffen zu dem alméchtigen Goth, es werd alles gut. Es hat auch vnser herr der R(omisch) k(ayser) zuegesagt, das all kawfflewt iren gewerb widerumb durch seiner k(ayserlichen) g(naden) landt an irrung treiben sullen vnd mügn. Auch was man vnserm genedigen herren k(unig) Lasslaw zu der hochzeit, es sey, was das sey spiczerey, guideinen tucher, samadt, wein, alles ledig durch sein k(ayserlichen) g(naden) landt vnd mautfrey füren sollen, die k(unig) Lasslaw brief haben. Item Radmansdorff sol vnserm herren dem R(omischen) k(ayser) abtreten oder des sendtboten eingeantwurt werden zu des gubernátor hannden vnd die sullen das dann vnsers herren des R(omischen) k(aysers) rat oder diener verrer inantwurten werden. Die Newstiff sol vernicht werden an den grebm vnd weren vnd Fadaw sol dem von Schawnberg widergebem werden. Auch so ist vnserm herr des R(omischen) k(ayser) ain Vertröstung beschehen von Cilischen geslozsern wegen, die gut ist, als ich von andern lewten vernomen hab. Auch wist, das der jung gubernátor gen Pehaym ist gefurt warden vnd man hat mir verwar gesagt, wie der Pehmisch gubernátor sein tochter dem jungen gubernátor geben werd. Also verkund ich ew das, als mein sundern lieben frewndten vnd herren. Gebm zu der Newnstat eylund, an suntag, vor tags vor Andre, anno etc. LVII mo . Lienhart Jembniczer, burger zu der Newnstat. Kívül: Den ersamen, weisen burgermaister, richter vnd rate, meinen sunderlieben herrn zu Odemburg, dentur. Jelzése: Dl. 1591. Vízjegynélküli papiros, zárlatán Jembniczer már ismertetett, fedett nyolcszögletű gyűrűspecsétje kétszer lenyomva. E nagyon fontos tartalmú levél külön érdekessége az a körülmény, hogy V. László király temetésének napján kelt, tehát halálhíre még ekkor Bécs-
