Házi Jenő: Sopron szabad királyi város története. I. rész, 2. kötet, Oklevelek és levelek 1407-től 1429-ig. (Sopron, 1923.)
Tartalomjegyzék - 474. - 475.
commissio propria domini regis ex deliberacione baronum in iudicio facta. Nos Sigismundus dei gracia Romanorum rex, semper Augustus ac Hungarie, Bohemie, Dalmacie, Croacie etc. rex memorie commendamus tenore presencium significantes, quibus expedit, universis, quod nobis unacum prelatis, baronibus et proceribus dicti regni nostri Hungarie feria quarta proxima ante festum beati Luce ewangeliste proxime preteritum (okt. 12.) Posonii pro tribunali sedentibus providi viri Arnestus nótárius ac Johannes Lestel et Petrus Mwr dicti, cives civitatis nostre Soproniensis in suis, necnon iudicis, iuratorum et universorum civium dicte civitatis nostre personis priores querelas ipsorum iterando nobis exponere curaverant, quomodo reverendus in Christo pater dominus Clemens, episcopus Jauriensis universa vina sua decimalia ab ipsis civibus et universis incolis dicte civitatis nostre Soproniensis sibi et ecclesie sue proveniencia secundum consuetudinem antiquam dicacionis et exaccionis ipsarum decimarum vini inmediate post festum sancti Martini annis singulis in cellariis dicari et exigi ac demum facta exaccione earundem de ipsa civitate nostra exportari et educi, nec in eadem civitate vendicioni exponi solita et debenda contra huiusmodi ipsorum consuetudinem ab antiquo observatam facta earundem dicacione et exaccione quadam novitate adinventa in cellariis collocari et reponi, demumque successive vendi fecisset et faceret in preiudicium et dampnum libertatis dicte civitatis nostre ac civium predictorum. Quo audito prefatus dominus Clemens episcopus nostri constitutus in presenciam, responderat ex adverso, quod licet huiusmodi decimas ipse et sui decimatores post earum dicacionem et exaccionem modo premisso fieri solitam in dicta civitate nostra in cellariis reponi et collocari, successiveque vendicioni exponi fecisset et faceret, tarnen hoc non ex aliqua novitate adinventa, sed de antiqua consuetudine percepcionis et disposicionis earundem decimarum vini dicte civitatis nostre hactenus racionabilíter observata more suorum predecessorum faceret et facere consuevisset, ymmo nonnulli ex civibus predictistemporibus preteritis decimas huiusmodi a suis predecessoribus in arendam conducentes tales reposiciones et vendiciones vinorum decimalium in eadem civitate absque contradiccione fecissent. Verum eciam foret, quod quidam potenciores et magnates prope ipsam civitatem nostram possessiones, castra et domos habentes plerumque a suis predecessoribus, specialiter
