Házi Jenő: Sopron szabad királyi város története. I. rész, 2. kötet, Oklevelek és levelek 1407-től 1429-ig. (Sopron, 1923.)

Tartalomjegyzék - 374.

374. 1426. Bruck a/d Leita, okt. 11. Stamheimer Henrik brucki tiszttartó és biró kéri a soproni tanácsot, hogy Peutner ügyében Lajos király és Rudolf osztrák herceg okleveleinek másolatát küldjék meg neki, Ilsung János pedig 20 frt. adósságát fizesse meg, egyben tudatja velük, hogy néhai János 70 és Gengel 110 szarvasmarha után még vámmal tartoznak. Erber vnd weiss, sunderlíeben frewnt, mein willig dinst vor. Als ir mir am nächsten verschriben habt von wegen ewers mitburger, des Pewtner, den Mert Fleischacher hie zu Prukk verpoten hat, vnd wie ir solich brief habt von weilent den durleuchtígen fursten, kunig Ludweigen zu Vngern, vnd herezog Rudolfen von Osterreich, daz sich die für sich selb vnd ir nachkömen verpunten haben, daz ainer den andern nicht verpieten schol, ersuch dann des ersten recht in dem land vnd vor seinen richter, da er gesessen ist, daz hab ich vernomen vnd bit ewer erberkait mit ganczem fleiss, daz ir mir vnd auch der stat hie zu Prukk daz zu ainem sundern dinst vnd wolgeuallen tut vnd mir derselben brieff abgeschrift vnder ewer statinsigell sikchet, damit ich die meins herren auch damit peschutte vnd pewar, ob des ymer not geschehe, das sy auch aufgehalten wurden, ee mann recht von mir suchet, so wil ich mitsampt dem rat den Merten darezu weisen, daz er den eweren des verpotes ledig sage, ob er zu im icht zesprechen habe, daz er recht vor ewer suche. Auch sikch ich zu ew mein diener Hansen Witik von wegen Hansenns Illsung vnd seiner wirtin. die mir zwainezig gülden schuldig sind, als ich ew das vormalen brieflich vnd mündlich mer dann amsten anpracht habe, vnd bit ew, daz i'r mir von in vnd ire.m gut genüg tut vnd darin dhain lenger vorziehen habt, daz wil ich vmb ew gern verdinen. Auch sind mir etlich noch vor jaren vnd auch hewer mawt schuldig der Johann seliger vnd sein gesellen, die czeit gewesen Lewteil vnd Zemkel, ainmall sechs vnd dreissig vnd aber vier vnd dreissig rind, so ist mir hewer gein Marichekk der Gengell schuldig mawt von hundert vnd zehen rind, der auch herwider zu mir nicht chomen ist. Darumb vmb solich vorziehen, so mir also von ew geschieht, ob ir hinfur viech hie zu Prukk wellet vbertreiben dew zeit vnd ich daz also innehabe, schult ir selber damit chomen oder solich