Nagy Imre: Hazai okmánytár. Codex diplomaticus patrius VIII. (Budapest, 1891.)

IV. László király Detk nevű Abauj vármegyei birtokot Kenéz és Gergely fiainak adományozza, azon vitézségükért, melyet a cseh király elleni hadjáratban és Hathalomnál tanúsítottak. 1274. september előtt. Ladizlaus dei gracie Ungarie Dalmacie Croacie Rame Servie Gallicie Lodomerie Cumanie Bulgarieque rex, omnibus Christi fidelibus presens scriptum intuentibus, salutem in omnium salvatore. Si reges meritis subiectorum manus porrexerint adiutrices, in quorum quiete quiescunt, et sublimacionibus magnifice sublimantur, ne dum beneficii memores consecuti, verum eciam et alii exemplo eorum ad fidelitatis opera forcius invitantur. Proinde ad universorum noticiam tenore presencium volumus pervenire, quod nos merita, servicia et gratuitos íamulatus, que et quos .Johannes filius Kenez et Paulus filius Gregorii fideles nostri, non tantum in Boemia sub castro Lona, quantum inregno nostro prope Hotholm, ubi post occupacionem castri nostri Jauriensis per insultum regis Boemie inimici nostri capitalis eiusdem satellites regnum nostrum spoliabant, in defensione incolarum et procerum regni nostri fideliter et laudabiliter impenderunt, nostre maiestatis memorie volumus reservari, ut cum dies et tempus remuneracionis ad hoc se nobis offerent opportunos, eorumdem fidelitatibus esset nobis animus respondendi; porro quia procedente tempore quandam terram Detk vocatam in comitatu de Abauywar sitam, quam Urbánus quondam ex donacione domini Stephani quondam magnifici regis Ungarie patris nostri karissimi felicis recordacionis possidebat, vacuam penitus et habitatoribus destitutam, secundum quod prepositus et conventus ordinis premonstratensium de Jazou fideles nostri nobis rescripserunt, quibus hoc specialiter dederamus in mandatis, a nobis pecierunt sibi dari; nos ipsam terram cum omnibus iuribus et utilitatibus suis universis, predictis .Johanni et Paulo et per eos suis heredibus heredumque suorum successoribus dedimus contulimus et tradidimus, iure perpetuo pacifice et irrevocabiliter habendam tenendam et eciam possidendam, cassantes irri-