Nagy Imre–Páur Iván–Ráth Károly–Véghely Dezső: Hazai okmánytár. Codex diplomaticus patrius III. (Győr, 1866.)

Ladislaus dei gracia Hungarie Dalmacie Croacie Rame, Seruie Gallicie Lodomerie Cumanie Bulgarieque Rex. Omnibus Christi fidelibus presentes litteras inspecturis salutem in omnium saluatore ; Licet Regalis pietas manum munificam porrigere debeat vniuersis, illos tamen principaliori debet prosequi munere et fauore, quorum experta probitas, laudata est in prosperis et in aduersis, ut aly eorum exemplis invitati, ad fidelitatis opera forcius accendantur. Proinde ad uniuersorum tam presencium, quam posterorum noticiam harum serie volumus pervenire, Quod attendentes fidelitates, et meritoria obsequia, seu multiplices famulatus, magistri Nicolai fily comitis Nicolai fidelis nostri, que domino Stephano, illustri regi Hungarie patri nostro karissimo clare recordacionis, exhibuit et impendit, quia cum Boemorum Rex prius patris nostri et post modum noster inimicus capitalis, confinia regni nostri, de parte Posoniensi introire uelle diceretur, et ad id sciendum et uidendum, ipsum magistrum Nicolaum, ipse páter noster cum quibusdam fidelibus iuvenibus domus sue transmisisset, idem magister Nicolaus, ut solita sue fidelitatis opera, laudabiliter exerceret, casum mortis non formidans, velut leo intrepidus in médium astantis aciei irruens, quemdam militem ipsius Regis Boemorum captiuauit. Insuper cum quidam teotonici nauigio transirent, ad inferendum horninibus ipsius patris nostri nocumentum, ipse magister Nicolaus, eosdem nauigantes telorum uelocitatibus impediens, quamplures interemit ex eisdem ; Item quendam teotonicum ex acie ad certamen contra ipsum procedentem captiuauit, vitám eiusdem capitali sentencia finiendo. Item cum idem Boemorum Rex in portu saar supra Mosonium contra eundem patrem nostrum transitum facere uoluisset, procedens magister Nicolaus, una cum Ladislao fratre suo, et alys fidelibus iuuenibus eiusdem patris nostri, conti'a molem exercitus dicti Regis Boemorum transmissus, cum militibus ipsius Regis Boemorum dimicando laudabiliter, quamplures ex eisdem interemit, Item cum castrum nostrum Jauriense, per homines eiusdem Regis Boemorum, captum fraudulenter extitisset, et ad obsidendum ipsum castrum Joachinum magistrum tauarnicorum nostrorum dilectum et fidelem nostrum, transmisissemus, ipse magister Nicolaus et Ladislaus fráter eius