Veress Endre: Gyula város oklevéltára. 1313-1800. (Budapest, 1938.)
beneplacito ipsorum quoad mediam partém dederunt et in officium contulerunt, unde ego cupiens ipsos Illustrissimos domioos, dominum Georgium et dominam Beatricem, dominos meos gratiosissimos de et super restitutione dicti castri Gywla ac oppidorum similiter Gywla, Bekes et Symand, simulcum pertinentiarum eorundem certiores reddere, promitto fide mea christiana, necnon honore et humanitate meis mediantibus, quod quandocunque ipse Illustrissimus dominus Georgius Marchio Brandemburgensis praedictum castrum Gywla oppidaque similiter Gywla, Bekes et Symand vocata cum omnibus et singulis machinis, ingeniis et pertinentiis eorundem a me rehabere et de manibus meis amovere voluerit, extunc ego prorsus excusatione, pactatione, cavillatione, adinventione subterfugioque et quibusvis aliis occasionibus et difficultatibus semotis, jam fátum castrum et dicta oppida cum pertinentiis eiusdem eidem Ill m o domino Georgio aut cui ipse de facie ad faciem mandaverit et dum praesentes literas meas in spem et cum hoc alias literas ipsius superinde expeditorias michi assignaverit, statim ipsum castrum et dicta oppida, partém scilicet meam dare, restituere et resignare debeam et ad hoc ipsum faciendum firmiter sim obiigatus. Si autem Illustrissimus dominus Georgius de hoc dominio aliquo recederit, extunc hanc libertatis facultatem Illustrissima domina Beatrix plenariam habeat. Si autem ambo ipsi Illustrissimi domini de dicto dominio recederunt, extunc quemcunque iidem in persona ipsorum constituerint, eidem modo praemisso dictum castrum et ipsa oppida, partém scilicet meam resignare debeam et sim obiigatus. Praeterea omnes vicecastellanos, pedites ac quosvis alios familiares meos in eosdem castro et oppidis ac pertinentiis eorundem pro tempore constituendos ad hoc ipsum faciendum et fideliter observandum adiuvari facere debeam. Si vero casu contingenti me hoc in medio ab hac luce decedere contingerit, extunc unus vicecastellanorum meorum in dictis castro et oppidis debitam et securam custodiam tenere, altér vero in sua ac socii sui personis cum plena informatione et auctoritate erga eundem Illustrissimum dominum ubicunque tunc deo duce constitutus fuerit, ire et proficisci, et consimiliter cuicunque idem Illustrissimus dominus Georgius Marchio Brandemburgensis huiusmodi castrum et oppida, partém, ut praemittitur, meam unacum machinis, ingeniis et pertinentiis eorundem dare et plenarie administrare facie ad faciem mandaverit, idem castrum et eadem oppida resignare debeat et teneatur cum effectu et quotienscunque dominus Georgius Marchio Brandemburgensis etc aut domina Beatrix, domini mei gratiosissimi ad castrum et oppida intrare voluer'int cum tot quot voluerint hominibus, semper ingrediendi liberam habeant potestatis facultatem. Casu vero, quod deus avertat, quo eundem Illustrissimum dominum Georgium Marchionem ab hoc seculo decedere contingerit, extunc praefatum castrum et oppida unacum omnibus machinis, ingeniis et pertinentiis suis ad manus Illustrissimae dominae Beatricis, consortis eiusdem Illustrissimi domini et heredum suorum dare et resignare debeam et sim obiigatus. Si autem dictam dominam Beatricem modo simili praemori contingerit, extunc similimodo ad manus eiusdem Illustrissimi domini Marchionis et heredibus suis huiusmodi castrum et oppida dare et resignare debeam et sim obiigatus cum effectu, ut tamen pars supervivente literas in spem reddere et michi restituere debeat et teneatur. Si autem literas meas in spe michi reddere et restituere non possit, extunc superinde literas suas expeditorias michi dare debeat et teneatur dictique vicecastellani mei et pedites ac alii familiares mei ad hoc ipsum faciendi sint obligati et firmicer astricti harum mearum vigore et testimonio literarum mediante. Dátum in dicto castro Gywla feria tertia post festum Annuntiationis Mariae. Anno domini Millesimo Quingentesimo Nono. (H. St. A. München. Br. Lit. 1056/6.)
