Veress Endre: Gyula város oklevéltára. 1313-1800. (Budapest, 1938.)

onibus eorundem regnorum occupati fuissemus bonaque nostra hereditaria, praesertim oppidum nostrum Gywla vocatum, accedente severitate quorundam officialium nostrorum ad desolationem non mediocrem devenissent, et per hoc incommoda et damna ingentia suscepissemus, Nos quodammodo compatientes huiusmodi iniuriarum et damnorum pro eis, ut praemittitur susceptis, ac certis aliis bonis respectibus moti, volentes eorundem civium \idelicet et incolarum dicti oppidi nostri Gywla quieti salubriter consulere et prospicere, ut idem oppidum Gywla populorum et incolarum multitudine decoretur, per quod et honoris nostri munificentia extollatur et proventus nostri soliti non diminuantur, potissimum ea ratione inducti, quia cives et incolae ipsius oppidi in variis nostris expeditionibus supradictis, non parcendo rebus ac facultatibus eorum, in redimendis certis castris nostris a manibus alienis aliisque gratuitis subsidiis se nobis gratissimos et benemeritos semper exhibuerunt exhibentque in praesentiarum, harum itaque intuitu meritorum eisdem civibus et incolis praefati oppidi nostri Gywla. quod instar aliorum oppidorum nostrorum liberorum modo simili liberum oppidum nuncupandum fore censuimus, hanc libertatis praerogativam duximus concedendam et per infrascriptos articulos declarandam. Imprimis, quod nullus omnino officialium nostrorum in castro nostro Gywla vocato nunc constitutorum ac in futurum constituendorum ad aliqua onera ac servitia, praeter infra notata, eosdem cives et incolas astare praesumant, sed sint ab oneribus et servitiis imperpetuum liberi et imniunes, hoc tantum specificato, quod iidem cives et incolae clausuram, vulgariter g a a d vocatis certa molendina nostra dirigendo, rectum cursum aquae ad eadem semper reformare, necnon pontes consuetos tenere et disiectos restaurare, necnon ligna et vina, prout ab antiquo consuetum fűit, ad ipsum castrum nostrum Gywla imponere teneantur. Idem iudex cum iuratis ipsius oppidi nostri Gywla et nullus altér officialium nostrorum praedictorum nundinas liberas et fórum ibidem celebrari solitas et consuetum custodire, ad eaque attentius invigilare debeat, quo videlicet periurgia, rixas vei forte nonnulla fúrta per adventantes ibidem exoriri contigerit, in quibus et rectificandi, et indicandi eidem iudici cum iuratis et nemini alteri plenam damus facultatem. Iurisdictione tamen et potestate nostra et eorum officialium, si videlicet, quae in talibus ab antiquo servari solutis salvis remanentibus. Item, si quis civium et incolarum nostrorum praedictorum in sententia capitali et amissione bonorum suorum contra nos iudicialiter convictus fuerit, extunc in tali casu hoc nobis reservandum decrevimus. utneque officiales nostri, neque iudex et iurati praedicti in bonis huiusmodi amissis ullam habeant facultatem, sed talis transgressor soluto uno duntaxat floreno auri officialibus castri nostri antedicti pro impetranda gratia ad nos venire possit atque valeat. Iudex quoque bona universa huiusmodi transgressoris pro nobis occupare et tam diu tenere debeat, quousque idem transgressor a nobis gratiae veniam meruerit obtinere. Item quivis famulus cuiusvis artis existat ad dictum oppidum nostrum libere venire ibidemque artificium suum, iuxta consuetudinem eiusdem oppidi absque omni impedimento officialium nostrorum praedictorum exercere valeat, tam diu quousque suae placuerit voluntati. Ceterum, sicuti intelleximus his temporibus saepenominati officiales nostri in eodem castro nostro Gywla constituti, ex quadam prius coepta malitia pecorum ac pecudum pastores, adiunctis detestabilibus occasionibus multipliciter molestaverunt, impediverunt, captivarunt et in rebus devastarunt, quam rem profecto nullo modo tolerare volumus, praesentibus literis nostris huiusmodi molestationes, captivationes et impedimenta diutius officialibus interdicimus. Si enim praedicti pastores cuipiam in qualicunque negotio obnoxii fuerint, iudex praelibatus cum iuratis eosdem iudicare debeat iuxta consuetudinem