Iványi Béla: Eperjes szabad királyi város levéltára. 1245-1526. (Szeged, 1932. Acta litterarum ac scientiarum Reg. Universitatis Hung. Francisco-Iosephinae. Sectio iuridico-politica. Tom. 2.)

gewonhait. Und eyn iczlicher lerknecht ydoch erlich ontsprussen und aufgenommen sal bey seynen meyster czwe yar mit geharsamkait lernen. Auch von wegen etliches handels czw noczbarkait yrer czeche, sellen sy alle fyrczehen tage yren eynganck habén czw welcher czeit er wer meyster meysterin oder witbe sellen sy noch der Czechen gewonhait eynem tphennig eynlegenn, und szo yrkeyn meyster, meysterin ader vitbe sich yn der czeit des eynganges czweschen dy erbaren meyster ausz widersponikait nich fwegten, seyn busz ist eyn firtel wax, welcher aber mit ym do hyn brecht eyn gewer, das sellen ym dy meyster von frides wegen macht habén czwnemen und wemb eyn pinthe weyn czw vortrincken. Szo es aber gescheg das yrkeyner mit der hant yn frewel ader ausz czaren auf den tisch schweg ader eyner den anderen lwegenstrofte, seyn bwsz ist eyn fyrtel wax. Kcyner sal auch den anderen weder mit onrrichtigen warthen, noch mit wercken schmeen ader ergeren, es wer yn der Czeche ym layt hawsz ader swest anderszwo onder der busz noch erkentnisz der meyster, wentworwemb das natwerliche recht gebeüt eynen iczlichen mentschen ionck und alt nemlich yn eyner soelchen leblichen besamelung erbar lewthe erlich czw leben. Item keyner sal von haders ader von ander cleyner sache wegen, yn seyner strofung, dem hantwerch nicht geharsam sunder widerspenig ader eygerwillig wold seyn, lofende ausz selchem eygen willen vor dy namhaftigen herrenn Richter und bwerger czw seyner czeyt, seyn busz ist noch des hantwerchs gewonhait, fyr tphont wax, on dy busz der iczt bemelten Richter und bwerger. Es lernen uns auch dy kayserlichen recht, das eyn iczliches kint eelich ontsprussen natwerlich erbt yn dy gwetter seyner eldern, weshalben szo eynes meysters swn nem czw der ee eynes meysters ader eyner meysterin tochter, als den behalden sy miteynander gancze Czeche, wentworwemb iczliches von erbung wegen seyner elderen hot voran halbe czeche. Hy bey sal eyn iczlicher mercken, das eyn erbare witbe auch mag dyszes hantwerch czw yrem nocz und frommen handelen, szo sy der Czechen yn allén hy begriffen artickelen geharsam ist, gestellende sich yn der czeit des eynganges und eynlegende. Hynfwer hab wyr czweschen yn geordent, wen man yerlich am Sontag negst noch dem newen gericht newe Czechmeyster noch gewonhait der Czeche