Iványi Béla: Eperjes szabad királyi város levéltára. 1245-1526. (Szeged, 1932. Acta litterarum ac scientiarum Reg. Universitatis Hung. Francisco-Iosephinae. Sectio iuridico-politica. Tom. 2.)
Wladislaus, Dei gratia rex Hungarie Bohemie etc. fidelibus nostris prudentibus et circumspectis iudici et iuratis ceterisque civibus et toti communitati civitatis nostre Eperyes salutem et gratiam. Superioribus diebus vobis per alias literas nostras scripsisse et simul etiam commisisse recolimus, ut omnes et singuli vestrum de bonis scilicet et possessionibus vestris privatis, tam hereditariis, quam etiam impignoraticiis in illo comitatu de Sáros habitis, demptis illis dumtaxat, que precise de membro illius civitatis nostre essent et ad illám pertinerent, in médium universitatis nobilium eiusdem comitatus pecunias exercituales exolvere et exsolvi facere deberetis, ut autem nunc intelligimus nonnulli essent ex vobis, qui scilicet huiuscemodi bona et possessiones privatas haberent, de illisque easdem pecunias exercituales extradare et exolvi facere difficultarent, et quia audire potuistis, quod per nos ac dominos prelatos et barones, necnon universitatem totius regni nostri id manifeste conclusum et dispositum est, ut omnes et singuli tales, qui ut praemittitur possessiones privatas, tam hereditarias, quam etiam impignoratitias haberent, demptis dumtaxat illis possessionibus, que precise de membro illius civitatis nostre existerent, de quibus scilicet nos ipsi respondere habemus, in médium universitatis nobilium illius comitatus, in quo scilicet eedem site sunt, pecunias ipsas exercituales exolvere et exolvi facere debeant. Idcirco fidelitati vestre harum serie firmiter precipiendo mandamus, quatenus acceptis presentibus, omnes et singuli vestrum de huiusmodi possessionibus vestris privatis, tam hereditariis, quam etiam impignoratitiis perscriptas pecunias exercituales in médium universitatis nobilium prescriptí comitatus, iuxta nostram et eorundem dominorum prelatorum ac universitatis nobilium ordinationem, absque omni renitentia et subterfugio exolvere et exolvi facere debeatis et teneamini, de illis vero bonis et possessionibus, que, ut premissum est, ad illám civitatem nostram pertinent et de membro eiusdem existunt nos Ipsi prout debemus respondebimus et responderi faciemus, aliud ergo nullatenus facere audeatis, presentibus perlectis exhibenti restitutis. Dátum Bude, feria quarta proxima post dominicam Invocavit, anno Domini millesimo quingentesimo. Papiroson, alul papirossal fedett vörös viasz pecséttel. Levéltári száma: 645.
