Iványi Béla: Eperjes szabad királyi város levéltára. 1245-1526. (Szeged, 1932. Acta litterarum ac scientiarum Reg. Universitatis Hung. Francisco-Iosephinae. Sectio iuridico-politica. Tom. 2.)
tannus Baccalaureus, Michel Belsz, Piter Moler, Barthus Czausz, Hannes Hutter, Georg Cromer, Andres Schnayder, Thoenis Schmid und Thoenis Froelich Rathmanne der genanthen Stadt Epperies swenderlichen und mit vleys betracht soelcher loeblichen fraytumb und aussaczung bey unseren geczayten (als und unsere Veter seliges gedechtnisz gethon habén) noch czw kommen. Daruemb wyr iczt genanther Richter und Rathmanne der bemelten Stadt Epperies bekennen offenlich czw vor und thwen konth mit dyszem unserem brief allén und iczlichen kegenwertigen und auch czwkoemftigen dy yn sehen, horen ader leszen, das vor unsers Rathes kegenwertikait erschinen sint dy erbaren Steffen gewantscherer, Nicles Steynmecz, Albirt Goder und Hannes Spariszgelt Czeh Mayster, yn namen und person aller Brweder der Melczer Czeche alhy fwerbrocht habén yn der weysz: wy wol das dy iczt genanthe Melczer Czeche bey dysz koeniclichen frayen Stadt vor altén geczaythen bas do her alle czeitaufrichtigundoerdenclich bey dem altar des hayligen Crewczes yn dysz Stadt Tpharkvrchen czw lob Got dem almechtigen und dem hayligen Crewcze gehalden ist, idoch wer es yn und brwederen onauszsprechlichen schwer, das dy selben artickel, welcher sy noch loeblicher ordnung und gewonhait gebraucht hetten, briflich und Sigelhaftig nicht weren bestetiget, und habén uns on onderlosz yn hycziger begyr fleysig und demweticlichen gebeten yn dy nemlichen artickel mit yren puncten und steckleyn durch fridsamer rwe und eyntracht czweschen yn groentlich und briflich geruchten czwbestetigen, darweber so habén wyr uns foste bekemmert und betracht, als wyr den von rechtes wegen schuldig czw thwen seyn, hernocher auch mit czaitigem und eyntrechtigen Rath und vorwelung der eldesten und der ganczen gemeyn erkant habén, das soelche yre beth und werbung vil mer loeblicher und wol willich den streflich ader schedlich wer der durch der dinst Gotis und des hayligen Crewczes on yrkeyne yrrung czweschen den brwederen alle czeit gemert und geerwirdiget mechte werden, habén wyr yre werbung und czemliche begyr noch willikait der bethe nicht wellen vorachten, sunder dy bemelte loebliche Czeche und Bruderschaft yn craft dysz hernider geschriben artickel mit allén clauselen und puncten ader stoecken aufnemen bestetigen orden und stiften und auch groentlich