Fejér, Georgius: Codex diplomaticus Hungariae ecclesiasticus ac civilis. Tomi IX. Vol. 5. (Budae, 1834.)

An, Ch. 1374/ Idem Ludouicus sententiam sui Magistri Tauernicorum intuitu domus hospitalis de Cassa reuocat. Nos Ludouicus , Dei gratia , Rex Hungariae , Poloniae, Dalmatiae etc. memoriae commendamus per praesentes: quod licet Magister Tauernicorum nostrorum Domum Hospitalis in honore Sancti Spiritus Cassouiae constructam, cum possessionibus ad ipsam spectantibus, eo quod Iudex Cassouiensis liusquam ad iudicium per Cruciferorum de Scepes Magistrum citatus comparuerit, eidem Magistro Cruciferorum adiudicauerit; tamen de eo, quod ciues nostri Cassouienses efficacia super dicta domo et eorum possessionibus haberent litteralia instrumenta, perhibuere testimonium, ipseque Magister Cruciferorum dictas possessiones ipsius Domus vendere, impignorare, alienare niteretur: ideo dictam sententiam per ipsum Magistrum Tauernicorum latam, facto in praemisso, in hac parte re- uocamus, et annullamus, ipsamque domum hospitalem cum suis pertinentiis in manibus ipsorum ciuium nostrorum Cassouiensium decreuimus haberi ; committentes, vt idem Magister Cruciferorum vel alii quipiam, qui ius ad dictam domum hospitalem et eius possessiones se habere sperant, noua cilatione mediante iuridice coram nobis et Baronibus nostris prosequantur, vbi nos vel iidem Barones nostri visis litteris ambarum partium, merum iuris et iustitiae exhibebimus complementum, vt diclauerit ordo iuris. Datum Varadini in festo Beatorum Philippi et Iacobi Apostolorum. Anno Domini Millesimo trecentesimo, septuagesimo quinto." Ex originali Tabulaiii -Vrbis Cassouipusis.