Fejér, Georgius: Codex diplomaticus Hungariae ecclesiasticus ac civilis. Tomi IX. Vol. 5. (Budae, 1834.)

Ea propter nos Cardinalis, Patriarcha, Archiepiscopi, Episcopi, Duces, Comites et Barones antedicti recognoscimus, fatemur et noturn facimus vniuersis, quod pro nobis et nostris successoribus et haeredibus promisimus, et corpora/ia praestitimus iuramenta, adimplere et ratihabere omnia premissa et pacta, quae pro contractu, ac appositione dictae Dominae Hedwigis, eiusque dotalitio sunt praescripta. Si quis vero praemissis vellet aliqualiter contraire, ad resistendurn eidem, seu eisdem, debemus, volumus et tenemur Dom. Leopoldo et Wilhelmo filio, Ducibus praedictis cum oinni nostra potentia assislere, ipsos .absque dolo et fraude fideliter adiuuantes cum de mandato Serenissimorum Principum, Domini regis et Dominarum reginarum supradiclarum, nos obligauimus ad praemissa, nosque etiam cognoscimus contractum memoratum fore terris et hominibus vtriusque dominii bonum vtile et honestum. In cuius rei testimonium et euidentiam nos rex et reginae praedicti, nec non Cardinalis, Archiepiscopi, Episcopi f Duces, Cornites, Barones, praesentes litteras damus, nostris sigillis pendentibus communitas. Actum et datum Zolii, Dominica die Inuocauit. Anno Domini Millesimo trecentesimo octuagesimo." L. Sig. Ex archivo Sacratiori aulico.