Fejér, Georgius: Codex diplomaticus Hungariae ecclesiasticus ac civilis. Tomi IX. Vol. 5. (Budae, 1834.)

etiam aduena pro ostensione lionestatis et famae suae, ad patriam suam ire est cogendus: sed quilibet mechanicus tam aduena, quam indigena nulla in medio nostri publicae diffamationis macula obfuscatus ad fraternitatm artificii sui assumi debet, et admitti, appretiatione debita infrascripta ab eo prius recepta; ita tamen quod cuilibet inechanico pauperi in emendo fraternitatem, pro' solutione pretii emtionis competens terminus debet assignari: item quod vniuersae emendae in fraternitatibus, ratione excessuum receptae, et recipiendae pro candelis et sepultura pauperum ad honorem Dei debeant extradari, item quod vniuersorum mechanicorum fraternitatem habentium filii et filiae ac viduae integram habeant fraternitatem, viri tamen carentes fraternitate talibus viduis coniuncti mediam emant fraternitatem. Iuuenes vero artes mechanicas in aliqua praedictarum quatuor ciuitatum discentes, mediam habeant et mediam emant fraternitatem, exceptis paucis ratione viduarum filiarum et talium iuuenum artificia discentium specialiter infra aliter expressis; insuper carnificum fraternitas pro decem florenis —• — — Cibiniensis duabus libris cerae , duabus vrnis vini, el vno prandio debet largiri, ipsi vero carnifices ciuitati et ipsam ingredientibus vniuersis mundas carnes et recentes in copia semper debent amministrare, et quotiens aliquis carnifex pecus furatum emerit, totiens priuatione vnius floreni et prohibitione a venditione carnium per quatuor ebdomadas puniatur. Quilibet etiam carnifex virum aut mulierem sub macellis vituperans poena vnius ortonis, sepulturam vero funeris negligeus poena Irium grossorum debet emendari. Magistri etiam