Fejér, Georgius: Codex diplomaticus Hungariae ecclesiasticus ac civilis. Tomi IX. Vol. 3. (Budae, 1834.)

sus abusione praefata et iniusta exactione dictae marcae pro huiusmodi sepultura effectualiter |>rohibenda prouidere de circumspecte sedis apostolicae clementia dignaremur. Nos igitur iustum et rationabile merito reputantes, pro sanctionibus etiam Canonicis obseruandis fore per apostolici fauoris praesidium in hac parte solitae ac perpetuae prouisionis remedium apponendum, piis et honestis super hoc ipsius regis votis efficaciter annuendo fraternitati tuae per apostolica scripta coinmittimus et mandamus, quatenus, si praemissa inueneritis ita esse, cum praetacta consuetudo euidenter appareat exorbitare a iuris tramite, imo a honestatis debito discrepare, praefatam consuetudinem tanquam iniquam, et labem Simoniacam continentem, dummodo aliud Canonicum non obsistat, auctoritate Apostolica detesteris et tollas, eamque facias omnino cessare, ac eadem auctoritate generaliter prohibeas, ne aliqui praesurnpmant imposterum illam aliqualiter obseruare, nec ex causa dictae sepulturae vlterius marcam exigere, vel recipere memoratam, contradictores per censuram ecclesiasticam, sublato appellationis obstaculo, compescendo, non obstantibus abusu longaeuo consuetudinis antediclae seu praescriptae, qui posset forsan in contrarium cavillose ab aliquibus allegari, siue aliquibus aliis, per quae traditae tibi super .hoc potestatis execulio minus rationabiliter posset quomodolibet impediri, aut si aliquibus communiter vel diuisim ab eadem sit sede indultum, quod excommunicari, suspendi, vel interdici non possint per litteras apostolicas non facienles plenarn et exnressam, ac de verbo ad verbum de indulto huiusmodi mentionem. Da-