Fejér, Georgius: Codex diplomaticus Hungariae ecclesiasticus ac civilis. Tomi IX. Vol. 3. (Budae, 1834.)

XXXI. Ari. Ch. 1359. Eiusdem argumenti Decani Cibiniens, litterae. In nomine Domini amen. Nos Nicolaus Decanus Capituli Czybiniensis, nec non Plebanus in paruo horreo, vna cum fratribus in eodem Capitulo existentibus, per tenorem praesentis litterae publice protestamur tam praesentibus quam futuris, quibus expedit, vniuersis: Quod. reuerendus vir — — Dominus Abbas de Kercz (omnia fere ad verbum vt in priori documento). Ideo Christi nomine inuocato cum consilio fratrum de Capitulo, Ego Nicolaus decanus Capituli Czjbiniensis absoluimus vniuersitatem plebis de Zeckat ab Abbate et a suo conuentu, et in consequentibus vniuersitatem plebis de Zeckat ratione territorii, pro quo lis vertebatur, absolutosque littera praesenti pronunciamus. Testes sunt Dominus plebanus de insula, ac Dominus plebanus de Schellenberg, et quam plures viri fide digni inter sacerdotes, et inter prouinciales. In cuius rei euidentiam praesens scriptum sigillo nostri Capituli fideliter iussimus roborari. Datum anno M. CCC. LIX." Exaratae in plagula membranae quartuor digitos longa, fere triplo lata. Sigillum Saluatorem in throno seclentem exhibet atl dextram et sinistram Petro etPauIo Apostolis stipatum , benedicentemque, Eder exerc. Dipl. p. 116.