Fejér, Georgius: Codex diplomaticus Hungariae ecclesiasticus ac civilis. Tomi IX. Vol. 2. (Budae, 1833.)

Principissam, Dominam Elisabeth reginam, cha-' rissimam Genitricem nostram, sororibus ordinis Sanctae Clarae Virginis constructum accessimus, religiosae sorores in eodem vitam contemplatiuam ducentes, quasdam litteras priuilegiales Capituli Ecclesiae Budensis, super collatione quarumdam possessionum , Adurjan vocatarum, in Comitatu de Bodrogh iuxta Titiam existentium, per nobilem Dominam, Margaretham vocatam, consortem Magistri Pauli, dicti Magyar, ipsis facta confectas tenoris infrascripti nobis praesentarunt: supplicantes culmini nostrae Maiestatis humo tenus prouolutae, quatenus ipsas, et collationem dictarum possessionum contentam in eisdem, iam dictis Claustro et sororibus factain ratas et acceptas habentes, dictaeque collationi consensum regium adhibentes, pro eisdem nostro dignaremur priuilegio, pro vberiori cautela , confirmare. Quarum tenor talis est: Capitulum Ecclesiae Budensis (v. ad an. 1355.) Nos itaque, qui ex officio suscepti regiminis nostri Claustrorum et Ecclesiarum profectibus, et eorum incrementis invigilare summopere tenemur, intuitum nostrae mentis circa preces praedictarum Sororum conuertentes, quod nusquam hoc salubrius efficere possumus, quam si sanctam matrem ecclesiam, et in eis Deo famulantes in bono suorum iurium statu fouemus, consideratione praesertim illius, quoniam his, quae in patrimonium Sanctae Matris Ecclesiae pie translata et diuino cultui nedum per nos, sed etiam per alios extiterunt dedicata, consensum adhibere pium est, et viae salutis directiuum , petitionibus et supplicationibus dictarum sororum clementer inclinati, priuilegiales litteras praetactas ipsius Capituli Bu-