Fejér, Georgius: Codex diplomaticus Hungariae ecclesiasticus ac civilis. Tomi IX. Vol. 2. (Budae, 1833.)

Martyris proxime venturis duximus perenniter prorogandam; presentes autem propter absenciam Magistri Iacobi prothonotarii, et sigilli nostri, sigilloMagistri Nicolai de Debreu Vice-Comitis nostri fecimus signari. Datum in Wissegrad octauo die termini prenotati. Anno Domini M* CCC. quinquagesimo septimo." L. S. Ex originalibus litteris clausis Coll. Iankovics. cccxv. An. Ch. 1357. Idem Nicolaus contra filios Peteuch de Frych per Capitulum Scepus inquiri iubet. Amicis suis reuerendis Capitulo Ecclesie Scepsiensis Comes Nicolaus de Zeech, Iudex Curie Domini Lodouici, Dei gratia regis Hungarie, Comitatusque de Thuruch tenens honorem, amicitiam paratam, debito cum honore. Dicit nobis Symon, filius Egidii de Berthold, in sua ac Demetrii, fratris sui in personis, quod Michael, Ladislaus et Petrus, filii Peteuch de Frych, ac Iacobus, filius Iohannis de eadem, in vigilia festi beati Andree anno proxime elapso preterita, quosdam Iobbagiones ipsorum ad quandam syluam ipsorum, cum predictis filiis Peteuch, et Iacobo, filio Iohannis, communiter tangentem, pro desecandis lignis euntes, crudeliter et immaniter verberari fecissent, lite tamen inter ipsos pendente. Igitur Vestram amicitiam presentibus petimus diligenter, quatenus vestrum mittatis hominem pro testimonio fide dignum, quo presente Nicolaus, filius Andree, vel Ladislaus, filius Laurentii de Bakapataka, aut Bartholomeus, filiusAlex. seu Valentinus de Machala, siue Alex., filius Deseu, aliis absentibus homo regius ab omnibus, 41 *