Fejér, Georgius: Codex diplomaticus Hungariae ecclesiasticus ac civilis. Tomi IX. Vol. 2. (Budae, 1833.)

CXXI. An. Ch. 1354. Nicolaus Drugeth, Iudex Curiae regiae , particulam terrae litigiosae , mensura regali mensuratam , solennis iuramenti vigore , ad ius Praepositurae S. Stephani de Maroth pertinere, legaliter adiudicat. Nos Comes Nicolaus Drugeth , Iudex Curiae Serenissimi Principis, Domini Ludouici, Dei gratia inclyti regis Hungariae, comitatusque de Zonok tenens honorem , meinoriae commendantes tenore praesentium significamus , quibus expedit vniuersis: Quod cum nos in octauis Festi Ascensionis Domini vna cum Nobilibus regni in nostra sede iudiciaria sedissemus, causales processus quorumlibet coram nobis litigantium in statera aequitatis percepissemus; reiigiosus vir Frater Aegidius, Praepositus de Bozok, ad nostram accedens praesentiam plurima paria litterarum Magnifici viri Comitis Thomaej condam Iudicis Curiae regiae, praedecessoris nostri , piae recordationis, formam iudicii sui exprimentium, ac Capitulorum Strigonien. et Euden. Ecclesiarum , regiae Serenitati rescriptionalium, in diuersis terminis, sub variisque formis emanatarum nostro iudiciario examini praesentauit; petens a nobis iuxta continentias earumdem, medelam aequitatis sibi impertiri: In quarum tenoribus inter cetera comperimus manifeste contineri : Quod cum Iitis,et contentionis materia inter religiosos viros, praedictum fratrem Aegidium Praepositum de Bozok, ab vna, et Fratrem Ioannem , Abbatem de Pylis,parte ab altera, super facto cuiusdam particulae terrae, inter quasdam duas possessiones Maroth vocatas, in comitatu Honthensi habitas, vnius scilicet Ecclesiae Beatae Vir-