Fejér, Georgius: Codex diplomaticus Hungariae ecclesiasticus ac civilis. Tomi IX. Vol. 2. (Budae, 1833.)

res et bona eius vniuersa, hic vel hi, cui vel quibus idem legauerit, libere percipiant et habeant ex integro sine contradictione aliquali. Coinmittimus etiam, vt ipsi ciues, seu hospites nostri de Ovar nullas in regno nostro Hungariae tam in terris, quam super aquis tributum dare et soluereteneantur, et quod ipsi, vel quisque ex eisdem in rebus et bonis ac personis per qnempiam possint arrestari, vel impediri, specialiter pro demeritis et debitis aliorum. Insuper volumus et committimus, vt nullus Baronum regalium , vel nostrorum reginalium, ac Magnatum super ipsos descensum faciant violentum. Yolumus etiam, vt si qui aliquid actionis vel quaestionis contra ipsos habent, vel habuerint, in praeseutia ludicis et Iuratorum eorumdem in medio ipsorum consequantur aequitate iuris obseruata. Qui satisfactionis congruentiam facere tenebuntur quibusuis queruiantibus de eisdem; si autem ipsi in reddenda iustitia cuique tepidi, vel remissi extiterint, tunc non ipsi ciues, sed iidem Iudex et Iurati ad nostrain vel ordinarii Iudicis ipsorum praesentiam per querulantes euocentur. Itern annuimus, vt ipsi nostris syluis reginalibus vti possint sine perturbatione aliquali; terras etiam arabiles et pascuales, quas ab antiquo vsque modo tenuerunt, habuerunt, vel vsi extiterunt, volumus vt vtantur, contradictione aliquali non obstante. Molendinis etiam propriis, vel vbi voluerint, perfruantur; nec acl opera eorumdem, vi ac coacti compellantur. Annuiinus insuper vt forum habeant et conseruent, prout — consuetum. Decimas vero porcorum singulis annis nobis dare tenebuntur; insuper volumus: vt pro debita collecla eorum singulis annis singulos ducen-