Fejér, Georgius: Codex diplomaticus Hungariae ecclesiasticus ac civilis. Tomi VIII. Vol. 7. (Budae, 1842.)

exercere, et a longis temporibus citra Fratres dicti Ordinis Minorum eiusdem prouinciae exercuerunt buiusmodi inquisitionis officium in partibus memotis iuxta formam eis ab apostolica sede concessam, nullusque alicuius alterius ordinis in eisdem partibus huiusmodi inquisitionis officium hactenus consueuit exercere; tamen dilectus filius Matthias de Zagrabia Ordinis Fratrum Praedicatorum, nulla de praedictis literis seu priuilegiis huiusmodi super inquisitionis officio dictis Fratribus Ordinis Minorum a sede praefata concessis, habita mentione, per suppressionem veritatis huiusmodi, quasdam Iiteras ad te Fili prior, a nobis impetrauit, per quas tibi duximus committendum, quod aliquos de Fratribus dicti Ordinis Praedicatorum eligas, quiin regno Hungariae inquisitionis officium, praedictae prauitatis exerceant, et valeant exercere, crucemque contra omnes Transyluanos, Bosnen, et Sclauonicos, qui haeretici fuerint, in praedicto regno Hungariae praedicent et valeant praedicare; et insuper per alias nostras literas carissimo in Christo fdio nostro , Carolo Hungariae Regi illustri, ac venerabilibus Fratribus nostris Strigonien. et Colocen. Archiepiscopis, eorumque suffraganeis et aliis Ecclesiarum Praelatis in regno Hungariae constitutis, nec 11011 ComitiSalamoni de Brasso, et nonnullis nobilibus Hungariae et Sclauoniae dedimus in mandatis, quod eisdem Inquisitoribus Ordinis Fratrum Praedicatorum, in iis auxilium, consilium et fauorem impendant. Cum itaque nostrae intentionis non fuerit, nec existat, Inquisitionis officium labis praedictae, per sedem apostolicam dudum concessum eis Fratribus Ordinis Minorum in partibus supradictis, dictis Fratribus Ordinis Praedicatorum committcre, vel per li-